ALLIYAH JUMEIRAH (Maudi a Paset)

J- Jasmine, sabong kasta kayyarigmo
Kimmalay-at ka ditoy sidongko
Intedmo't libnos, lubongmi bimmulalayaw
Tedted arimukamok iti tiempo't kalgaw.


U- Umok mi ni inam naisalsalumina
Iti isasangbaymo napnuan sarangta
Dagiti oras kasdala nailansa
Sibaymi naaplagan ti pigsa.

M- Murmuray ka iti tunggal parbangon
Iti itatara-ok kawitan a mannibrong
Apges ken dagsen mata a nakakidem
Ikarkarawa a templaan ka iti dede.

E- Ehersisyo la-lay daytaman ti itira
Kettang ni ima, agrurut-tuok aggi-innuna
Sibet kailiwna't iyuuldag
Tapno mainanaan tulang dita papag.


I- Isemmo agas bannog iti agmalem
Dennepenna't gagar, sebsebanna't saem
Arigmo tay anghel a bimmaba
Kasigud, kaabay a kadenna.

R- Ray-aw garakgak dagitaman pangay-ayum
Iti angaw mi kenka a pangsuron
Dagos mo't iyellek, ikatawa't nasingit
Madamdama naumakan isarunom iyibit.


A- Attibaymi inka nagsarrukudan
Ti butengmo, umarakup ka nu maminsan
Addangmo pakakitaan ti regta
Kibinmi nangalaam ti suporta.


H- Hasaen ka iti ayat ken umno a sarita
Iti idadakel mo daytan tu iti inkam imula kenka
Tawid a dinto maagaw ti siasinuman
Agtalinaed dita pusom ken kaunggan.
Post a Comment

Popular Posts