Umuna a Pagkikita (Ilokano.Org)

Madama-ak nga makidisdiskusyon idiay opisina idi naguni ti cellphone ko, aglas onse y media iti bigat.
"Ei asan ka na" kuna ti txt, naggapo kenni judianne.
Gistayanen nalipatak ti nagsasaritaan mi nga panagkikita iti Dencio's idiay SM Megamall.Sabado gayam tatta, maika 11 ti Marso.

Pinidut ko ta cellphone ket nagpindotnak iti letra.
"Cge, on d way na ako, ilan ba tayo?" nga insungbat.
Madamdama simmungbat "Di ko pa alam kay garampang".
Adda metten text ni Garampang.
"Asan ka na?" ng dinamag.
"On d way na ako".

Dagdagos ko ti napan naglugan iti train nga agpa-Shaw Boulevard.Imbag ta awan unay ti aglugan ta sabado. Kaadduan gamin daytoy nga aldaw ket awan ti serrek dagiti ag-opisina. Kusto nga alas dose ti malem idi nakadanunnak iti sango ti Megamall. Adda la inrapin ko nga indagas iti showroom mi idiay 4th Floor. Sako dinagdagos ti bimmaba.

Adda manen text ni Garampang.
"Asan na kayo dito na kami".
"Sige papunta na ako diyan dito na ako sa Megamall, bumaba-ba pa lang ako."


Bimmabanak iti department store ti SM aginga idiay ground floor sako tinalantan ti ruangan nga nagbaetan ti Bldg A ken Bldg B. Iti mega strip ti tinurong ko. Adda nakatugaw idiay ruar a babai a kasla agur-uray met. Nagtugawnak iti malikudanna. Nagtxt nak ulit kenni judianne.
"Ania ti kulor ti badom?" Simmungbat a kuna na "Puraw". Insarunok ni garampang a tinext.
Kunana "Blue shirt with eyeglass". Agpada da iti suot daytoy babai iti sangnguawnak. Dagos ko ti timmader iti sango na sako dinamag. "Ikaw si Garampang?"
"Sorry hindi ako" sana ingiddan ti nagwingi-wing. Napabainannak la garud.
"Sige miss sorry ha".

Tinurong ko ti ruangan ti restauran ket niluktannak ti babai a waitress.
"Good Morning Sir, table for how many?" a dinamagna.
"Miss may kakilala ako diyan sa loob, hanapin ko lang".
"Okay sige po".

Nagtultuloynak a simrek ket nagpakannigidnak. Adda nakitak idiay suli a babai a nakablue ken naka-eyeglass, adda kadua na a maysa a babai ken maysa a lalaki. Medyo nagsarimadengnak, immisem ket inisemmak met.
"Sika ni jake?"
"Sika met ni Garampang?"
Inyawat ko ti immak a kas tanda ti panakiyam-ammo.
Ginuyod ko tay tugaw nga abay tay lalaki a kadduana. Sanak nagtugaw.
"Kumusta, nabayag kayon" indamagko.
"Tattay laeng, awan pay met ni Judianne, sumaruno kano."
Inyam-ammo na dagiti kaduana ni Ghie diay babai ket ni Jojo met tay lalaki nga adda iti kannigid ko. Diak unay nang-ngeg ti sasao ni Jojo ken Ghie. Bayat ti panagpapatang mi ket nagorder ni Garampang. Crispy pata, pinakbet, sinigang nga hipon, sizzling bangus ken pork.Kaskam lang nabayagen a nagam-ammo kenni Garampang. Napasig ti pangpapatangmi. Madamdama pay nagring ti cellphone ni Garampang ket ni Judianne gayam iti adda iti sabali a linya. Nangeg ko nga kinunana
"Sumrekka daytoy kami un-uneg".

Adda maysa a babai a sumungad, adda kibinna nga ubing a babai. Ni gayam Judianne daytoy kadduana tay anakna. Timmakdernak ket immakarnak iti abay ni Ghie. Nagtugaw ni Judianne iti nagakarak ket kaabayna tay anakna. Nagiinammo kami. Nagsisinnutil, nagkakatawa hmmm nagsiyaaten kas kami agkakabsat.

Idasdasar da ti inordermi idi adda met maysa a lalaki a sumungad. Ni gayam Pakniboy daytoy, iyam-ammo ni Garampang a kas kabsatna.Inyawat ko ti dakulap ko.

Nagsaat ti iistoryami iti kabibiag ti maysan maysa. Ni Judianne ket agtrabtrabaho gayam nga Animal Nutritionist kenni dati a Congressman ti Cagayan, Patrick Antonio, Ni Pakniboy ket Maysa nga Inhinyero Civil, diak gayam nadamag ti trabaho ni Garampang.

"Sika ngay lakay?" inimtuod ni pakniboy kanniak.
"Sales bro, konkontrata ti silsilaw iti Hotel, Restaurant ken Balbalay"

Rinuggianmi ti nangan, up-uppat kami a miembro ti Ilokano.Org ti natuloy. Na-ammuak nga adda gayam trabaho ni Aileen isu nga di a nakaumay. Dagiti dati nga mangibagbaga iti iyu-umay da dida met timmuloy.

Kastoy siguro ta agdadamo ngem sapay ta ad-adun tu nu sumaruno. Nagpipinicture kami amin a kas souvenir tapno addanto ibidensiya ti panagkikitami.

Nagpalpaanmi ti nangan ti halo-halo, leche flan ken buko pandan. Adda pay tay picture nga in close-up ni Garampang daytoy.
"Imbag laeng a pampaapal kadagitay miembro ti Ilokano.Org, hehehe" nga inyangaw.

Idi nalpas kami binayadan a dagos ni Garampang ti bill ket timmader kamin. Idi adda kami idiay ruar nagpipinnakada kami ti tunggal maysa. Adda nagbati nga issem kadagiti rupa iti maysan maysa. Sapay ta maulit to daytoy a tabuno ket sapay ta ad-addon tu. Agyaman kami kadagiti kakabsat a nangpunno ken daytoy a tabuno.
3 comments

Popular Posts