Padasek

(Kenka Manong Donato B. Abanilla)


wen padasekman a buklen
dagiti pangted nga inka linaga
bala-bala a minulim pluma
ruggiak a lukaisan
dagiti sasainnek a naibenggasan dagensen
inka inpempen pakinakem

padasek a riknaen
bara pannakaupay barukongmo
daydi liday ni sennaay
a nagarian nalidem a kalman
a sipud panangalun-on kenka
nadangkok a pasamak

palubosannak manong alla
padasek nga ibuksilan
ngayed gappuanam panunot ken ima
subliak ket danggayanka
kadagiti agarubos a lua
ituloyta a rebbeken, dika agmaymaysa!




may 3, 2006
taguig city
Post a Comment

Popular Posts