Political Asylum? Jocjoc!

Makapakatawa ni Jocelyn "Jocjoc" Bolante! Apay kunayo? Kalpasan a naglemmeng ken timmalaw ditoy pagilian tayo ket nagdapat idiay US, nagfile idi nakadanon idiay iti political asylum.

Diak met agkabaw ti kunak ta matanddanak pay laeng iti scam nga inaramidna. Ti fertilizer scam. Dinoktorna amin a resibo ta nag price padding kadagiti presio ti abono, agas a pestisidio. Dagitoy ket nairusat nga agpaay koma para kadagiti babassit a mannalon iti Filipinas. Ngem ania ti inaramid daytoy buaya nga opisial ti gobierno lallalona nga immameg dagiti tattao a mangbibiag iti pagilian tayo.

Nagalingasaw ti buyok nga inaramidna ket idi kuan nagpukaw lattan a dida ammo ti ayanna (kas tay kaso met laeng ni Garcillano!) kasla tay bayyek a limned. Ngem imbag pay ta bayyek ta lumned tumpaw daytoy nalaing man ketdi a rumareb ta idi limmung-aw addan iti sabali a disso.

Idi dimmanon idiay Estados Unidos dagos a hinarang dagiti mmigration ofisial. Ket ti ammona makalasat ngem uray no kasano ti kinagalisna adda latta pannakatiliwna. Nagfile iti political asylum ti buaya.

Matandaan a dagiti laeng adda ti karbenganna nga agfile iti political asylum ket dagiti tao nga adda iti pagilian a kas iti Cuba ken dadduma pay nga adda problema ti sistema ti gobiernona. Idi panawen ti Martial Law dagiti dadduma idi nga tao ditoy Filipinas ket timmalawda ket napanda idiay US. Ket idi nakadanonda idiay sada nagpila iti political asylum.

Iti kaso ni Bolante, nalawag met a kas iti init nga awan met ti mangdigdidigra kenkuana no di gapu ti kinakunniber nga aramidna. Kalpasan a nasipsipna ti diro ket kasdiay lattan tapno malibre. Are you Joking Jocjoc? "Jocjoc". Ngem awan ti lusot ni Bolante ta sigun ti source ammon ti US ti kaso na ditoy Filipinas.

After how many months, babalik ka rin hehehe!

posted on Tugot on July 27, 2006
1 comment

Popular Posts