Typhoon Gloria

As typhoon Glenda continuously devastating the country which resulted to the closing of classes of major provinces including Metro Manila and also Northern Luzon, Gloria Arroyo delivered her State of the Nation Address full of promises, dreams for the whole nation. A dreams that she wants to be fulfilled on the rest of her regime.

On her speech, impromesa ti adu nga infrastrature project a para iti intero a pagilian. Maysa a projecto a kasapulan ti trillion a mabusbos tapno maisayangkat ti arapaapna.

Kayatna a saw-en adda manen inayonda a buwis tapno maipatungpalda dayta a kas inaramidda kadaytoy kallabes laeng tapno mapunnuanda ti agkurkurang a National Budget. National Budget a no maminsan kurkurakoten dagiti kunniber iti takem.

Kayatna a saw-en dakkel manen a sakripisio iti agtutuok a puli ni Angkuan. No laeng mabalin nga ipanueg ti danum nga awan ti innapoy tapno makatipid iti gastos. Ngem uray danum ket magatangen ta di met safe ti NAWASA.

Puro arapaap iti intaltalangutangna, dina man laeng dina kamat no ania ti nagapuananna manipud nag-SONA idi napalabas a tawen. No ania ti panagabuso ti rehimenna kadagiti babassit a tattao, ti fertilizer scam a maysa koma a tulong kadagiti ordinario a mannalon. Ti panagbangato dagiti gagatangen gapu iti VAT. Ti kinangato ti gasolina a sagsagabaen dagiti driver ken agramanen kommuter gapu iti pamasahe.

Ipasindayagna ti nagapuanan ni Pacquiao, ti panangabak ti SEA Games Team Philippines, ti panagpantok dagiti napan idiay Mt. Everest, ti pannakabalangat ti Ms. Tourism. Umanay kadi daytoy a nagapuananna? Nakatulongda kadi kadagiti tao iti aglaplapusan a panagrigrigatda.

Nasam-it ti agarapaap no adda kinapudno kadagita a balikas. Ngem no ipromesam ti bulan ket maysa dayta a kinamauyong.

posted on Tugot on July 26, 2006
Post a Comment

Popular Posts