PARANOID PRESIDENT

Namin-ano tay a nagtopnotcher iti CNN, REUTERS ken ti BBC. Idi adda stampede idiay ULTRA, idi adda MUDSLIDE idiay Southern Leyte ken iti kaudian ket ti panagdeklarana iti NATIONAL STATE OF EMERGENCY


Iti intero a lubong ket naginginned ken daytoy a damag. Ta sinno ti agsaggrap kadagitoy a nakas-ang a pasamak nu di ket iti amin a Filipino.



Ti proclamationna ket agpayso nga OVER REACTION. Ta ania ti makagapu kadagitoy? Ania ti rasonna? Nga agawen da ti trono kaniana.



Kabutengna ti an-niniwanna a mangsursurot kadagiti danapegna. Ta dina maannugot ti kinaagpayso nga awan ti nagappuananna iti tattao. Kasla tekka a kimmawiwit iti malunglongsot a sabawil.


Inyetnagnana ti National State of Emergency uray awan met ti riri. Ti rasonna dagiti agprotprotesta kadagiti kalsada ken ti panagretiro dagiti heneral nga dati a miembro ti Young Officers Union. Dagitoy ket maysa a pain tapno lalo a mabukibok ti ulona. Ta nagbalin isuna a paranoid.


Ta imbes koma a tulunganna dagiti biktima ti mudslide nga agingga ita di pay nasapulan piman dagiti kabagian da a natabunan ti pitak. Adda isuna dita a busy no kasano ti aramidenna tapno agtalinaed a presidente aginga 2010.
Sakbay nga intinnagna ti State of Emergency 100% kano nga occupied dagiti hotel iti intero a Manila ken dagiti asideg iti Metro. Ngem kalpasan dayta nagcheck-out da amin ket nagtalawda. Maipakita a medio nakalung-awen ti Pilipinas ken makitkita ti baro a bannawag ni balligi ngem gapu ti inaramidna kasla na pinaltogan ti ulo ni Ina a Daga ket naparintumeng a saksakruyenna ti krus.