Skip to main content

Posts

Showing posts from June, 2006

Prose 94 - Tudo

ibuyatmo dayta pigsam!
dalusam ti aglatlati a pammati
ti nangirngir ken nadulpet a kararua
tapno mariknada ti kumotukot a bara
ti bimmiliariante a sagidmo...

lemmesem ida ti pammagbaga
tapno maalaw ti agtungtunglab
a reggetda a makaruk-at ti sibay
ti manangikulbo a kinadakes
ket masirayanda ti silnagmo...

lapunosem koma ida!
ti ayat a dida narikna
isuda a nagkatangkatang iti igaaw
a mangbirbirok iti bendisionmo
ti kinaagpaysom!

maminsan pay TUDO!
ibuyatmo dayta pigsam!

Prose 95 - Tuleng

agwanwanengweng ti kasla naitubong a timek
ti balikas a maipullat iti lapayag
ta kasla angin a bumanesbes
dumaw-as sa lumabas ket lumsot iti bangir
agallangungan dagiti sarita a di maawatan
ta itayab ti umel nga ulimek
ket kasla man awan nangeg...

malagipko daydi billit-tuleng
a nagbatay kadagiti dawa ti pinagayan
inabogko, binarsakko!
ngem kaskasdi a dina inkir-i
dina inkankano ti tagari
a pinarnuay ti bingkol
a nagdisso iti sanguananna
ta bulsek sa...
wenno tuleng?

natubongan ti danum ti lapayagko
ken agayos ti nabara a likido
daytoy sa ti rason no apay a nagbara
dagiti durek a naimilkat iti wangawanganna!

Prose 96 - Aldaw dagiti Amma, Aldaw ti trabaho!

Domingo...
aldaw ti inana
aldaw dagiti amma
ngem gapu iti dawat ti pagteng
ken awag ti trabaho
dagiti kalingking ti piso
addaak a naipalladaw iti disso
a naminsan nagkutaan dagiti 'kano a soldado

rambakak daytoy nga aldaw nga agmaymaysa
iti sidong dagiti al-allia
ti lagip a nagrupsa!

Prose 97 - Ilala

ti gayam maysa a banag
no nasursuromon nga ipateg
no nasursuromon a tinagikua
no nagbalin a paset ti inaldaw a panagbiag
ket no kelaat a naperdi
ket no kelaat a nagpukaw
ket no diamon mapagnumaran
mabalinmo met gayam nga iwaksi
mabalinmo met gayam nga ibati
mabalinmo met gayam a lipaten

"a kas tay nabuong a tasa
a pagkapiak iti bigat
no agdudungsa ti rikna
no aglaladot ti rikna
isut' katakunaynay a mangdennep
ti boksit nga agkiraos
kailalaka koma ngem ammok
a dimtengen ti keddeng
ta kasanom a tayaen ti pudot
a mangpabara
ti tunggal agsapa
no gusingen dagiti bibigmo a makarutdak
no ti takiagmo naisina
kasanom pay a pasilapen ti birri
kasanom nga isubli daydi dati a langam!"

gumatangngakto laengen ti kasukatmo
agsapullakto laengen ti nalaglagda
sika a maysa a narasi
sika a nalaka a mabuong!

Prose 98 - Puyat

diak napupuotan ti panaggaraw ti ramay ti orasan
ta gumuyodguyod ti ganas
nga agitugkel ti letra iti keyboard
tapno itukit dagiti balikas iti sanguanan a tawa...

agkikinnamat dagiti suyaab
a mangawis tapno iyinana ti nautoyan a kalob ti mata
ngem kasapulan a lippasen ti ikamkamakam a projecto

nalpasko met laeng ngem nasalemsemen ti parbangon
ta agdisson dagiti linnaw iti paraangan a kas pangtuglep
met ti rikna...

nabang-aran ti rikna ngem ti apges ti mata
ti bantot ti ulo
ti kalawakaw a panunot
dumikarda...

Prose 99 - Tagtagainep

naulimek...
naisangsangayan a buya...
dagiti ruot nanglaylay
ti tangatang nanglangeb
ah!
ania
ti napasamak
napanan
dagiti tao
napanan dagiti buya
ta
kasla man
timmalawda
adda
nanggunggon
kaniak...
linidlidko dagiti matak
maysa a tagtagainep
maysa a sabong ni ridep...

Prose 100 - Lunes

natingaw dagiti sayangguseng
agmalmalanga dagiti nakalemmeng
aggam-ammangaw dagiti natatakneng
ta ibagada adda kammali ti inda iyetnag
ti desision dikan maiyannatok maibanag
pannakabitay ni echagaray ti mahistrado inna rinakrak

Prose 101 - Aldaw ti Wayawaya

daytoy nga aldaw idi
ti timek simngaw iti tangatang
ti pannakaguped ti ganna ti singdan
ti nasurok tallo a siglo a pannakatagabo
iti kaputotan dagiti imbagbagada nga "Indio"
maysa laengen a batibat daydi
maysa a lagip...

Dagiti nawaw ti pamdayaw

Ania metten dagitoy a pada a Filipino. Dida man kayat ti agpaabak. Paggaapaanda no sinno ti immuna a pimmatok iti tuktok ti Bantay Everest. Dakkel kad ti kuarta a maalada no sinno immun-una. Masolbar na kadi ti parikot ti nagkirkiraos a boksit. Ta kasla man sangkapirgis a karne daytoy a paggaagawanda.

Apounayen kakabsat! Isardengyo man dayta aya!



*************************************
Abenojar pooh-poohs doubting Thomases
By Rainer Allan Ronda
The Philippine Star
06/11/2006

Dale Abenojar, the adventure sportsman who claims to be the first Filipino to have reached the summit of Mt. Everest, said he plans to return to the Philippines a victorious conqueror of the world’s highest mountain with no rancor in his heart against countrymen who have doubted his feat.

Robin Mendoza, Abenojar’s only friend in the cold and strife-torn Nepalese capital of Kathmandu, said that while Abenojar continues to suffer excruciating pain from his gangrene-infected left big toe, he has recovered from the emotional hu…

Kadagiti padak nga agimulmula!

Daytoyman tay impatulod ni Manong Cles kaniak itattay laeng. Kadagiti mayat a makisalip basaen tay man biit daytoy...

------------------------------------------------------------------------------------------------------------

Salip iti Sarita ken Daniw iti Iluko ti KWF, naluktan

Naluktan itay nabiit ti Gawad Komisyon 2006, salip iti panagsurat nga esponsoran ti Komisyon sa Wikang Filipino (KWF) mainaig iti pannakarambak ti Buwan ng Wikang Pambansa (Agosto 1-31, 2006).

Malaksid iti lengguahe a Sugboanong Binisaya (Cebuano), naluktan ti salip para iti lengguahe nga Iluko iti benneg ti sarita ken daniw. (Naluktan met ti salip iti salaysay para iti lengguahe a Filipino. Topiko: "Ang buwan ng wikang pambansa ay buwan ng mga wika sa Pilipinas" wenno maiturong iti kinaadu dagiti pagsasao ken iti kinaadu dagiti kultura iti Filipinas. Kaatiddog: 15-30 a panid.)

Dagiti pagalagadan:

1. Nasken nga orihinal ti pakisalip, di naipatarus manipud iti ania man a lengguahe, di nangabak iti ania man…

Kibinendak Ama

(3rd Prize Winner - On the spot Poetry Contest)
38th GUMIL Filipinas Nationl Convention and Seminar Workshop
Lal-lo National High School, Lal-lo, Cagayan
April 23, 2006

agbaybayanggudawak iti tanap
diak ammo papanak sidong a pagpaarayatak
kasla man awan kaimudingak, kadagiti payyak a tumatayab
naisinsinaak kadagiti arban nga agar-arab
iti ayab pastor a mangiwanwan
ta diak man masurotan desdes dagiti mamasirib
nga agap-apit bunga pinaluom panawen
madamaak pay laeng nga kumarkarawat'
bukel nga itukit iti tugot a nalabasan dagiti mamaingel
pidutekman ket bakbaknaek
ipempenkot' kamalig ni tarigagay
ta sadiay bareng bumukarto busel
ket umagos to met urat dara dagiti agikurkur-it
iti arko bullalayaw a mangitag-ay maris langit.



Agua de Pataranta

kumalawikiw nga awis ti agpaypayapay a sarming
dagiti naipupok nga espiritot’ linammat’ nagsaraan
manglilipot manggargari a burayok ni pannakalipat
a pagsakduan kupkupikopan a kinatured
dagiti takrot a nailikmot iti temtem
iti lidok agayos a bagi ti nalinnaawan a danum
iti natikagan a bibig ken karabukob a nakaraman
sumukmon iti birtud ti naidasar nga atang
kadagiti paggaak nga agpalla-ilang iti tangatang
ta dumurog ti maur-uram a lasag…ti adipen nagari kadagiti simimsim iti diro
naisangsangayan a rinnupak dagiti aggiinnala a dila
ti agilunlunod nga ikikita ti agtutoglep a mata
a maibasingbasing iti tay-ak agkiamkiam a panunot tumayab dagiti dapan a sumuknal iti kangatuan nga agpang
ti agnguy-nguy-a a riknat’ kawaw a darikmat
pumosing ti simbeng ti naintaw-an nga estraktura
ta ngumernger ti alintatao ti animal a dara
ket guyudenna iti abot pannakaidagel…may 31, 2006
signal village, taguig city