Skip to main content

Posts

Showing posts from July, 2006

Department of Injustice

Adda impaulog ti maysa a trial court sadiay Quezon City a warrant of arrest para kenni Baustista, ti chairman ti LTFRB gapu iti kaso nga inyuli ti maysa a bus corporation. Di a natungpal ni Bautista ti panangiyakarna ti franchise ti Bus Corporation. Ket idi agangay ditan nga impaulida ti pannakakemmegna.

Naggapo ni Bautista sadiay Iloilo idi kalman ket sinabat ni Gonzales iti airport idi dumteng tapno iliklikna daytoy iti panangtiliw dagiti sheriff. Manipud domestic airport simmalpotda idiay international airport iti maysa a sekreto a dalan.

Anian a kinabastos ti departamento ti hustisia. Gapu kadi ta maysa isuna a pangulo ti maysa a departamento ken hands-off kaniana ti ngipen ti hustisia. Maysa met daytoy a Gonzales. Nadutokan a kas Sekretario ti hustisia tapno ipatungpalna ti umno. Kunami man a ti hustisia ket para iti sapasap ngem apay nga adda tingtingalanna.

Department of Injustice talaga kadi?

posted on Tugot

Typhoon Gloria

As typhoon Glenda continuously devastating the country which resulted to the closing of classes of major provinces including Metro Manila and also Northern Luzon, Gloria Arroyo delivered her State of the Nation Address full of promises, dreams for the whole nation. A dreams that she wants to be fulfilled on the rest of her regime.

On her speech, impromesa ti adu nga infrastrature project a para iti intero a pagilian. Maysa a projecto a kasapulan ti trillion a mabusbos tapno maisayangkat ti arapaapna.

Kayatna a saw-en adda manen inayonda a buwis tapno maipatungpalda dayta a kas inaramidda kadaytoy kallabes laeng tapno mapunnuanda ti agkurkurang a National Budget. National Budget a no maminsan kurkurakoten dagiti kunniber iti takem.

Kayatna a saw-en dakkel manen a sakripisio iti agtutuok a puli ni Angkuan. No laeng mabalin nga ipanueg ti danum nga awan ti innapoy tapno makatipid iti gastos. Ngem uray danum ket magatangen ta di met safe ti NAWASA.

Puro arapaap iti intaltalangutangna, dina ma…

Political Asylum? Jocjoc!

Makapakatawa ni Jocelyn "Jocjoc" Bolante! Apay kunayo? Kalpasan a naglemmeng ken timmalaw ditoy pagilian tayo ket nagdapat idiay US, nagfile idi nakadanon idiay iti political asylum.

Diak met agkabaw ti kunak ta matanddanak pay laeng iti scam nga inaramidna. Ti fertilizer scam. Dinoktorna amin a resibo ta nag price padding kadagiti presio ti abono, agas a pestisidio. Dagitoy ket nairusat nga agpaay koma para kadagiti babassit a mannalon iti Filipinas. Ngem ania ti inaramid daytoy buaya nga opisial ti gobierno lallalona nga immameg dagiti tattao a mangbibiag iti pagilian tayo.

Nagalingasaw ti buyok nga inaramidna ket idi kuan nagpukaw lattan a dida ammo ti ayanna (kas tay kaso met laeng ni Garcillano!) kasla tay bayyek a limned. Ngem imbag pay ta bayyek ta lumned tumpaw daytoy nalaing man ketdi a rumareb ta idi limmung-aw addan iti sabali a disso.

Idi dimmanon idiay Estados Unidos dagos a hinarang dagiti mmigration ofisial. Ket ti ammona makalasat ngem uray no kasano ti kinagali…

Breaktime...

Kasla man barbarenaen dagiti problema ti utekko. Nabantot ti ulok. Nagadu ti malipatan a banag nga aramiden. Kurang ti pannaka-organize dagiti pasamak. Ta adda dagiti babassit a banag a no mabaybay-an kasla apoy nga agramaram ket dilnakan amin a madalapusna.

Manipud nagresign tay maysa a kadduak iti trabahona. Amin nga account nga iggemna ket siak ti nangsippaw. Agraman dagiti problema a dimmakel ket dimmakkel ta di a naasikaso a dagus.

Ti account ti Hotel Intercontinental Manila ti kadaksan nga innak iringringpas ita. Nagpason ti deadline ti deliveries dagiti lighting fixtures ket aglukaten dagiti kuarto para kadagiti guestda. Ania pay tinutukakon diay planta tapno laeng mairingpas dagitoy. Uray no naglabessen ket aglalaoken a di makmakan ti aso ti mangmangngeg. Bumara agraman pidit-pidit ta di met aginana ti selpon kadagiti rengrengda. Atleast "better late than never" ngem nakamisuoten tay Project Manager ken bumugkawda payen, ama. Ita medio nakaangesakon ta nalpas met laeng…

Meeting iti GUMIL Metro Manila

Daytoy a ladawan ken naala idiay Child Jesus College, Caloocan City idi Hulio 9, 2006 kalpasan ti meeting. Timmabuno da tao a kas paspasurot kadagitoy pundasion ti Literatura Ilocana. Nadakamat iti meeting dagiti baro a proyekto ti gunglo a mairusat iti masakbayan.

Prose 93 - Bannog

itaak laeng a maaddaan ti gundaway a sumango iti kompuiter iti no mano a lawas a kinaraber ti maobra ta pati pay domingo a panawen koma ti inana ket nadakamat payen gapu iti awag ti trabaho.

kasapulan sa iti inspirasion...

================================
BANNOG

mabannogan met ti panunot
ngem ti pusok nga agpitik
a mangaw-awag ti naganmo
ket dinto mautoyan a mangikot
ta sika ti segged ti darak
a mangpaburek ti bimmaaw nga ayat

wen mabannogan met ti panunot
a kas ti makina a maibusan ti gasolina
ngem kasano koma nga agngudo ti essem
no ti rupam ti maiballabalaet kadagiti darepdep
a mangduaduaya kadagiti rabii a nasalemsem

mabannogan met ti panunot
a kas iti agpakada a malem
a mangidatag ti sipnget
ngem apay koma a kabutengko ti kawaw a rabii
no sika ti bagnos nga umis-isem
a mangitunda kaniak dita sadiam

wen mabannogan met ti panunot
ngem diakto mauma nga agbannog
no sika ti gapuna
ta im-imasek pay ti agpaypayapay a kumpay ni patay
ngem tay lipatenka ket mapukawka ditoy sibay.

Madaddadael a panawen

Kaslada amin aso nga aggiinnuna a kumittab iti maysa a tulang. Kanannanamanna pay laeng ken nalukmeg. Namsek iti lasag a no mapuntiriaam ket kaskala nakajockpot.

Agginga ita di pay naaprubaran ti 2006 budget. Nakagudduan ti tawen. Onli in the "firipins" ama. Pang-guinness book of world records. Ania kadi ti rason?

Apa a personal dagiti nalalaing a pulitiko. Pansariling interest ket dagiti dadduma sensational met ta makiramanda iti popularity rating iti siasinoman.

Tatta nagado ti nagipasa iti impeachment. Adda pay dita ti maysa a lider ti simbaan. Kastoy kadin a talaga ti biag tayo. Imbes nga umarangkada ngem agrew-rewind ketdi.

Innapalan sa ketdi. Iyun-una ti US ti impeachment ket idi nakasursuro dagiti nengneng a politiko daytan sinurotda metten ta kalpasan ti maysa a tawen insarunoda ni Joseph Estrada. History repeat itself a kunada. Ti batibat ket adda latta nga sumalinsali kadakuada. Linak-am met ni Gloria Arroyo. Ket ania pay di met nagbunga daydi a panangrippuogda koma ke…