Campaign Material

Kalpasan ti panagserra ti panagipila ti panagkandidato dagiti politiko, nasional man wenno lokal ket isu met ti panagrugi ti panagiposteda kadagiti campaign material.



Iti panaglikmotko iti siudad nakitak man dagiti nakakabit iti igid dagiti kalsada. Adda dagiti nakadikit iti poste ti Meralco a nakiin-una kadagiti patalastas wenno dagiti agkasapulan ti tubero, agsapsapul iti mapagdianan ken pati dagitay adbertisment ti panganan, ti pader a pinunnoda ken pinnaadu ti maikabil a nakiinnuna kadagiti grafitti wenno tinatekda daytoy tapno matapkalan ti naalas nga imahena, adda pay dagitay kaikabkabil ngem agsalsalungayngayen ket agparparang dagitay barut a no matinnag ket makasulek kadagiti tao wenno makarutdak.



Agingga ita di pay napagdesisionan kano ti COMELEC no ania dagitay rumbeng ken saan a rumbeng a lugar a pagipostian kadagitoy. No manon a tawen daytoy nga eleksion. No manon a henerasion ti naglabasanna ket agingga ita dida pay ammo? Susmariosep! Ket agingga kaano ngata tapno maipinalda man ketdi.



Inton malpas ti eleksion pustaan tayo (aglalo dagitay naabak iti miliones)didanton taliawen dagitoy napirpirpir a campaign material tapno ikkatenda dagitoy sakit ti mata, dagitay nakatayag nga ima a kunam no agnanayon a mailabannaka, dagitay nakarungi-it a kunam no am-ammonaka la unay nga umay mangalamano kenka uray no kalkalpasmo a nagilo, dagitay agparparang ti ubanan a dutdot ti abot ti agongda nga itam laeng a makita ti anniniwanna da.


Sinno ti agdas-al kadagitoy? Siempre siento porsiento dagiti tao met laeng ti mangikkat kadagitoy. Datayo a linanglanggongda ken binulbulatawda.

Post a Comment

Popular Posts