Buhay Kalsada

Pare ang buhay ay parang kalsadang walang hangganan
Lakad, takbo sige ka lang sa paglakbay
Minsan may makipot na eskinitang madaanan
Dapat hinay-hinay lang at baka makabanga ka
Siguro akala mo ‘yon na ang tamang babaan
Pero sa dulo, dun nag-aantay ang mas mabato
Lubak-lubak at maalikabok na kapahamakan
At sasabihin mo ngayon susuko ka na,
Malayo pa ang PARKING AREA
Pare hindi lahat ng RIGHT TURN ay tama
At ang LEFT TURN ay puro mali
Dahil may panahon din na ika’y didiretso
Upang makisabay sa hamon ng buhay
Di ito parang U-TURN na uulit ka at babalik
Para ayusin ang kamalian ng nadaanan
Pero sige lang, bilisan mo pa
Habang puno pa ang tangke
Habang di pa kinakain ng kalawang ang parte ng makina mo
at di pa pudpod ang mga gulong mo
humabol ka hangga’t naka-BERDE ang trapik layt
huminto ka rin minsan pag naka-PULA
para mag-isip at ulit humanda sa DILAW na ilaw
wag kang lang mag-init, wag kang sisingit
dahil walang siorkat ang dulo ng tagumpay.


march 17, 2006
signal village, taguig city



AddThis Social Bookmark Button
Post a Comment

Popular Posts