Prose 84: saanka a kukua!


saanka
a kukua!
no ketdi
arkoska ti areng-eng
dagiti dayyeng
ti bara
ti agpasikkil
a gartem
ti labus
a kinapudno
a nang-alut-ot
ti kinatao

saanka
a kukua!
ininawnaka ti budo
ti darepdep
ti agpagunggan
a rikna
iti baet
ti naiparnged
a parmata
rumkuas ti bayanggudaw
a kararua

saanka
a kukua!
pasetnaka ti naiyuper
a pasamak
ti agkarayam
nga alliaw
a nangdugkik
iti aangsak

wen saanka
a kukua!
ta binulodka
laeng iti apagdarikmat!


march 17, 2006
cubrix solutions, signal village, taguig city

edited: Nov 26, 2010
ladawan: www.bigstock.com
Post a Comment

Popular Posts