Skip to main content

Posts

Showing posts from January, 2007

Happy Birthday!

Gangani met gayamen makatawen ti panag-blogko. Hmmm di mapupuotan ti panawen kasla idi kalman laeng. A tala mapidpidut a tema. Matandaanak pay daydi a panawen a kapudpudotan ti panagbisitak iti site ti ilocano.org, maysa a purok dagiti ilocano iti cyberspace nga imatmatunan ni kabsat Jonathan Cardenas ken nakabase idiay US. Ngem sakbay daydi a pasamak addaak idi a nakatugaw iti suli nga agtsetsek iti email. Sinapulko iti ilocano babaen iti google ket rimmuar met daytoy. Kunak no awan ti kastoy a masapulan iti internet ta kasla man agtalinaed laeng ti iluko sadiay Norte ket di makadap-aw iti networld.

Babaen iti Ilocano.org ditoyko a naam-ammok ni Manong Roy Aragon(rva) ti inaramatna nga aliasna nga impostena iti maysa a daniw nga in-uploadko sadiay. Diak pay am-ammo idi a maysa gayam a mannurat ta mannurat met ti us-usarenna a nagan. Agingga a nasukimatak ti pudno. Nagbalinak garud a maysa kadagiti agbasbasa iti blogna, nga idi ket kunak no narigat ti maaddaan iti kastoy ken amangan no…

Cebuano Pocketbook

Dagitoy a pocketbook a naisurat iti Bisaya ket magatang iti branch ti National Bookstore idiay Cebu. Maysa a pammaneknek nga agtultuloy latta iti panagrampaya iti literaturada. Diak la ammo no adda met pocketbook a magatang sadiay Norte. Mini-novel wenno tay serialized a series koma.




Panagtaliaw iti nagapuanan

Ni Apo Juan SP Hidalgo bayat iti panagbasana iti maysa kadagiti putarna a daniw iti pannakarambak ti anibersario ti GUMIL Metro Manila idi Disyembre 10, 2006 sadiay Child Jesus College, Bagong Silang, Caloocan.





Kalpasan daytoy a panagbasa ni Apo Hidalgo ket sinarunnuan met ti pasalip iti panagbasaan iti koleksion a daniw daydi Apo Hernando. Dagiti nangabak ket da Apo Honor Blanco Cabie a nangabak iti umuna a gungona, maikadua ni Apo Fele Abril-Mann a taga Australia ken ni Atty. Vilma Flores a maikatlo.

World Pyrolympics

Naala daytoy a bidiu idiay likud ti SM Mall of Asia. Ti defending champion nga Australia ti akin paputok kadaytoy nga exhibition. Umuna nga aldaw iti pasalip iti World Pyrolympics.