Skip to main content

Posts

Showing posts from February, 2007

Prose 85 - Nanangko! Nanangko!

Nanangko! Nanangko! Apay a kasta ti langam?
Napananen dagiti isem dita rupam?
Ayannan dagiti kayo a sarrukodmo no kasta a matutudo?
Ti saklulo dagiti ayug ti kabakiran iti ngariet ken basnot ti allawig,
Ken sarapa dagiti marunrunaw a lasagmo dita surong!
Rinamesda ti dayawmo nanangko ket dida nangitedda,
Kinurimesda dagiti nagunegmo tapno iluam dagiti babatom
Iyulam ti gameng nga indulinmo ken kupkupikopam
Isuda amin Nanangko agtartarigagay a mangbatok
Ti lasbangmo ket inlugeslugesda, sinisipda ti dirom!
Nanangko agsangsangitka kadi?
Ta pinadarada dagiti annakmo idiay dan-aw,
Dagiti impaangotda a sabidong a kumarayam,
A mangbekbekkel iti aangsam ken aangsan ti puli
Dagiti agtatapaw nga abalbalaymo a sinsinan!

Nanangko matimodmo pay kadi?
Malagipmo pay kadi dagiti baresbes ken dissuor
A bumtak iti barukong dagiti bato,
Ti pagtatabbugan dagiti ikan ken udang!
Nanangko malagipmo pay kadi idi maragsakanka?
Ket pinuyotam iti sang-awmo ti ullawko
Inyugedmo ti pigsam iti kapagayan!
Ngem apayen Nanang?

Nanangko! …

Prose 86- Dinamagmo kaniak ti Ayat

Dinamagmo kaniak no ania ti ayat
Ayat?
Kasano kadi nga iladawan ti ayat?
Umanay kadi ti kimmampuso nga iyuritko a tinta
a nangmantsa iti sin-aw dagiti birhen a papel?
Wenno ti maris ti dara iti tunggal maipasak
Iti umukuok a kusilap dagiti nalabusan ti managbasol a matak…

Dinamagmo kaniak no ania ti ayat
Ayat?
Ania kadi ti ayat?
Ayat kadi ti marikriknak no kasta a pergenka
Ket umingar ti nagbaetan dagiti luppok
Ti panaas ti pus-ong a di maipapas
Ti im-imeten a rugso toy barukong…

Dinamagmo kaniak no ania ti ayat
Ayat?
Ania kadi ti ayat?
Diak ammo no ania ti ayat kunak
Manipud idi linisiam toy riknak
Diakton ammo no ania ti ayat
Ta ti ammok narsaak metten ti namnamak!



Jake Favila Ilac
Signal Village, Taguig City
February 19, 2007


Campaign Material

Kalpasan ti panagserra ti panagipila ti panagkandidato dagiti politiko, nasional man wenno lokal ket isu met ti panagrugi ti panagiposteda kadagiti campaign material.



Iti panaglikmotko iti siudad nakitak man dagiti nakakabit iti igid dagiti kalsada. Adda dagiti nakadikit iti poste ti Meralco a nakiin-una kadagiti patalastas wenno dagiti agkasapulan ti tubero, agsapsapul iti mapagdianan ken pati dagitay adbertisment ti panganan, ti pader a pinunnoda ken pinnaadu ti maikabil a nakiinnuna kadagiti grafitti wenno tinatekda daytoy tapno matapkalan ti naalas nga imahena, adda pay dagitay kaikabkabil ngem agsalsalungayngayen ket agparparang dagitay barut a no matinnag ket makasulek kadagiti tao wenno makarutdak.



Agingga ita di pay napagdesisionan kano ti COMELEC no ania dagitay rumbeng ken saan a rumbeng a lugar a pagipostian kadagitoy. No manon a tawen daytoy nga eleksion. No manon a henerasion ti naglabasanna ket agingga ita dida pay ammo? Susmariosep! Ket agingga kaano ngata tapno maipinald…