Skip to main content

Posts

Showing posts from May, 2007

Mother's Day Story

A 5 years old girl went to the pharmacy and asked the pharmacist,
"This is the only money I have, Can I buy some miracles?" she opened her palm and showed some coins.
The pharmacist was confused with what the girl asked, and the pharmacy said to the girl,
"Why do you need miracles? for what reason?"
The girl replied,
"Because the doctor said that only miracles can save my mom...Can I buy them here?"

Pagudpod's Pride

Kinabigatan daydi a panapassiarmi idiay Paoay, finally nakaempakenakon nga agpaCagayan, gapu iti bambannog ket medio naaldawanak a nagpaLaoag, last trip gayamen ti Florida ti maluganak, 10:30 ti bigat.

Anianto pay ngata nga oras no makadanonak idiay Logac, 3:30 ti malem babaen iti panakwentak ta innem garud nga oras, uray napudot a ket inan-anusak ta ti airconda gayam ket alas-9 ti panawna.

Sumalogkam pay laeng iti Pagudpod ket daytan a nangrugi ti malas, nabtakan ti pilid, numona ta awan gayam reserba ti bus, nagalasen agbiahe ngem awan reserbana, isu pay met ti last trip. Gungunam nakarmakan ta nagliblibaska gamin!
Sinurdonak ti bangir a panunotko. Ania pay no di ket in-running flat ti drayber iti no mano a kilometro ta awan met mabalbalay ti nalabsanmi. Indanonna agingga iti lugar (diak ammo a ania ti nagan ti bario)a masansan a panganan dagiti pasahero, dita a nagpa-vulcanize.

Manipud iti nangananmi makitam iti bangir a kalsada dagiti nakabitin a napindang a kurita, ikan ken laki, gap…

Paoay's Marvelous Heritage

Sakbay daydi panagkarkaratotko a panagawid ket pimmasiarkam biit idiay Paoay tapno sirpaten ti maysa a patawid dagidi Ap-apong tayo para kadatayo ita a kaputotan ken iti sumarsaruno pay (bareng agtalinaed pay), ti Paoay Church. Nakalista daytoy a simbaan iti UNESCO a kas "Tawid iti Sangalubongan".

Kuna tay am-ammo tayo nga Arkitekto a ni Augusto Villalon, maysa a commissioner ti UNESCO..." bigbigbigen daytoy ti sangalubongan a kas maysa kadagiti naidumduma nga ehemplo ti Philippine Architecture manipud iti panawen dagiti kastila,"

Kadduami ti panagpassiar iti dayta a simbaan ni Dr. Jim Domingo, ket inbinsabinsana dagiti materiales a naaramat, ti rigat dagidi nagkakauna a tattao tapno laeng mabangon daytoy, ti korales a no ar-arigem ket kasla lakasa ti kadakkelna (uray pay gayam idi ket daddadaelendan ti baybay hehehe)a naiporma a kasla briks, pinagtapkal-tapkalda babaen ti ap-apog. Mano ngata a dara ti nagtedted, ti umsi ken uyaw a nangngegda, ti basnot a nalak-am ti…

Maika-39 a GUMIL Filipinas Kombension

April 13, 2007 - Kalpasan daydi a pannagdaw-asmi idiay Pinili ket nagdiretsokamin sadiay Currimao, Ilocos Norte tapno agatendar iti maika-39 a kombension ti GUMIL Filipinas.

Manipud junction ti Pinili ket naglugan kami iti bus nga agpa-Laoag, kinunkunak kenni Mang Jovy, "Manong dita met siguro mapukaw ditoy ania?" ignorante-ak ta damok a talaga ti agpa-Currimao, ken no ania a talaga ti nasao nga ili, ta kasla ar-arapaapek a maysa daytoy a Boracay ti Norte, jackpot kunkunak iti panunotko ta bassit laeng ti gastos ngem world class a beach ti mapan pakailumluman dagitoy mawaw a dapanko.

Nagdissaag kami sadiay junction (met laeng) ti Gaang, maysa a bario ti Currimao nga adda iti Maharlika Highway. Hmmm! agat babay ti malang-abko. Agtallo kilometro ngata ti tinaray ti tricycle a nangitulnog kadakami iti sango ti Ernesto Go Megacomplex. Nagtalliawtaliaw kami ta awan met makitami a delegado. Ket segun iti panangibaga ni mang Leo, ti kano pagdagasan dagiti sumangpet a delegado ket iti…