Accumulated Point Card


Maraming mga establisimento ngayon ang nag-o-offer ng card sa kanilang mga mamimili para doon ilagak ang puntos ng binili bagay. Sa isang daan piso halaga kasi ng binili, may katumbas itong isang puntos o 1 porsyento ng iyong binili ang ibabalik sa'yo. Hindi ba kaigaigaya?


Pero bago mo mapasakamay ang mga card na ito, kinakailangan mong bumili ng katumbas na halaga. Sa Laking National at Suki Card kailangan mong magkaroon ng biniling isang libo, at sa SM bibilhin mo ang kanilang Advantage Card ng P150 pesos.

Sa tuwing pagbisita sa kanilang mga tindahan, nagtatanong ang cashier kung may dala kang card para maisama bago magbayad. At pagsinabi mong wala naman, doon babanatan ka ng offer lalo na sa SM.

Kung talagang seryoso sila sa kanilang serbisyo para sa kanilang masugid na mamimimili, bakit kinakailangan pang bumili nitong promo nila para makaipon ng puntos at magamit sa mga susunod na transaksyon.

Sakaling may bumili ng isang(1) milyon na card lalo na sa SM, e di nakalikom na sila ng 150 milyon pesos. Napakalaking halaga kung tutuusin sa isang simpleng kita ng scam.

Hindi rin tayo nakakasigurong maibabalik sa atin ang isang porsyento o isang puntos dahil pwedeng naipatong na ito duon sa halaga ng komoditi bago natin ito binili.

Ang sa akin lang, hindi na dapat kailangan ang card para maibaba ang presyo ng bilihin. Pwede itong direktang ibalik sa mamimili sa pamamagitan ng diskwento.
Post a Comment

Popular Posts