Archipelago Music, an archives of the true OFM


Daytoy Archipelago Music ket maysa a websayt nga agifeature kadagiti kankanta iti region, masarakan ti agduduma a klase ti kanta a naaramat ti dialekto ti pagilian. Iprompromoteda ti makunkuna nga Original Filipino Music.

Ket panawen siguron tapno agrampaya ti industria ti kunkunada a regional music a kas ipakpakita dagiti Cebuano ken Kapampangan Music a nagari iti airwaves ti Metro Manila ken siguro iti intero a Filipinas. Sinno ti di a makaammo iti "Kaluguran" ken "Dodong Charing"? Nakaskasdaaw a dagitoy a klase ti musika ket nakaserrekda iti maysa a siudad a pagar-arrian dagiti Tagalog.


Uray di a maawatan dagiti dadduma, paboritoda daytoy a kankantaen iti bidyu-okean ken i-request kadagiti istasyon ti radio, ket aminek uray siak maisursurotak met a mangtantanamitim uray no agbeddal ti dilak.

Kastoy met laeng ti industria ti pelikula, aglalo dagiti indie film, isuda ti masakbayan ti natayen nga industria ti komersialias a pelikula. Addun ti rimmuar a naiyulog ti sabali a pagsasao a nangab-abak pay iti pammadayaw iti sabali a pagilian. Isu a ditayo masdaaw iti sumarsaruno nga aldaw ket addanto metten Ilokano a pelikula.

Ket no ti pelikula adda Independent Producer a mangpartuat kadagitoy apay ketdin a di kaya koma met ti musika nga amang a nalaklaka ti magastos ken nalaklaka a mailako iti merkado. Addan istudio ditoy Manila a maabangan iti kada oras ket mabalin ti agirekor kadagiti kanta ta kumpletoda iti alikamen iti panagedit. Ti maysa a CD ket mabalinen nga ikopiya iti burner ti kompiuter tapno makaaramid iti ad-adu. Ket tapno nalaklaka nga ilako, mabalin daytoy a baloran iti P75 wenno P50 tapno makikompitensiya kadagiti pirated nga agraraira kadagiti bangketa. Mano laengen metten ti CD a magatang iti P8 - P10, addanton ganansiya a P40 - P65. Kaspangarigan makalakoka iti 100,000 a kopya, di milyonaryokan.

Hmmm, itak laeng a napanunot daytoy. Siak ngata ti agiprodyus, sinno ti mayat a talentko?
Post a Comment

Popular Posts