Skip to main content

Posts

Showing posts from December, 2008

Meri Krismas

Sungbat

NALAMIIS ti pug-aw ti aircon iti kuartok ngem agtutukel ti ling-et iti pispis ken mugingko sakbay pay a nakapellesak iti pangruar. Pinis-itko ti remote control ket iniddepko ti aircon, inlukatko ti tawa ket binisngay ti kortina sako impadegko iti agsunbangir a suli ti de-sarming a pader. Urayak la nagpigerger, nasalemsem ti napigsa nga angin a sumabat, gapu siguro iti bayakabakna idi kalman. Mangrugin a mangbisibis ti tangatang ket gibusanna ti kalgaw.


Nalawag a mawanawanak ti pakabuklan ti siudad manipud iti ayanko a maikapat a pulo ket lima a kadsaaran ti South Tower ti Pacific Plaza Towers iti Global City iti Taguig, agingga kadagiti naimurumor a babassit a silaw iti bantay ti Antipolo ken dagiti kalapaw iti naaladan a piskeria dagiti mangngalap a paset iti Laguna de Bay.

Natina pay laeng ti aglawlaw iti makasulek a sipnget ket dagiti laeng silaw manipud kadagiti poste ti McKinley Avenue ti nangdilpat iti kalsada. Binulosak ti angin iti barukongko.


“Imbag pay ti sipnget ta adda bab…

Ilocano Internet Radio

Maysa kadagiti kanayon a bisbisitaek ita a website ket daytoy ILOKANO INTERNET RADIO, isu daytoy ti agpalpala-ilang iti aglawlawko bayat ti isasangok ti kompuiterko. Wen, kaunaan pay laeng daytoy iti internet a maadaan dagiti Ilokano iti bukod a pagdenggan a puro Aweng-Ilokano ti mangngeg a maipatukar.

Uray naudida a nakatapog iti yuyeng ti internet ta nabayag nga adun dagiti Ilokano nga agus-usar ti teknolohia ti Internet ngem nakakamakamda ta isuda ti kaunaan pay laeng a nakaaramid iti kastoy a klase ti panangliwliwa. Ta uray no sika a maysa nga Ilokano ket addaka iti ballasiw-taaw ket kasla addaka iti Kailokuan no mangegmo dagiti patokarda a sonata.


Ti Ilocano Internet Radio ket kua ti ti DWRV a nakabase iti Bayombong, Nueva Vizcaya nga imatonan ti Station Director a ni Father Vic Tiam, Fr. Johnson Logan a kas Station Manager, Bonnie Orbillo a kas Traffic Manager.

Daytoy a Radio Streaming ket inyed ti Eradioportal a kukua ti Bitstop Network Services Inc. a nakabase iti Dagupan City.