Skip to main content

NFA Employees Mass Lay-off


Hindi lang ang mga multinasyonal na kumpanya gaya ng Intel at Panasonic ang nagtatanggalan ng mga empleyado at nagsarado dahil wala nang order sa kanila, kundi pati ang isang ahensya ng gobyerno na namamahala sa pagkain ng bawat Filipino, ang National Food Authority (NFA).


Pagkatapos nakibahagi ang mga empleyadong ito para sa distribusyon ng mga bigas noong isang taon dahil sa kakulangan, eto at nangangamba ang mga 800 na empleyado ng naturang ahensya dahil sa Executive Order No. 366 o mas kilala sa Rationalization Plan, isang batas na pinirmahan ni Ginang Arroyo para tanggalin sila dahil sa pagkakaroon ng doble-dobleng posisyon, mga posisyong naabolis na, ang naturang batas ay naglalayong mapababa raw ang gastusin ng gobyerno.

Dati nang may balak talaga ang gobyernong ito para isara ang naturang ahensya. Nakailang protesta na ang mga ito sa harapan ng tanggapan nila, ilang plakard at istrimer ang ikinabit upang igiit ang kanilang pagtutul sa pagsasapribado ng ahensya.

At ngayon ko lang napag-isip-isip na tila pakulo lang ng gobyerno noong isang taon ang kakulangan ng bigas para giitin ang naturang ahensya, at palabasin sila na inutil para tuluyang maisakatuparan ang maitim na agenda. Isang pagpapatunay ang aking pagtatanong-tanong noon sa probinsya, at pinasubalian ng mga magsasaka na wala daw krisis noon sa bigas.

Sino ba ang makikinabang kung sakali? Hindi ba yaong mga rice trader. Yaong mga bumibili nang bigas na ang inisip lang ay pansariling kapakanan, ang kanilang kita. At kung sakali, pwede na nilang itago at kayang-kaya na nilang idikta kung magkano ang presyo ng bigas sa merkado at baka magaya rin ito sa presyo ng langis o dili kaya'y ang presyo rin ng LPG na kunwaring wala ng stock pero meron pa rin pala.

Kung ganito ang mangyari, paano na ang slogan ni Ginang Arroyo na "Pagkain sa Bawat Mesa" . Paano siya makakatiyak na may kasiguraduhan sa bigas kung di na niya ito makontrol dahil sinakop na ito ng pribadong sektor. At sino ang mga kawawa? Hindi ba ang mga magsasaka, sila ang mga biktima ng Fertilizer Scam , ang panggigipit din sa patubig dahil sa Rasyonalisayon din ng National Irrigation Administration na ngayon magiging pribado na rin sa pamamahala ng Irrigators Association (IA's)

Sa panahon ng krisis, dapat sana magtulong-tulong, gasino lang naman ang porsyento ng sahod ng mga empleyadong ito kung ikumpara sa mga pork barrel ng mga kongresista. Kung talagang nagtitipid ang gobyernong ito, dapat itong pork barrel ng mga mambabatas ang tapyasan, bawasan ang mga walang saysay na pagtuturismo ng pangulo sa ibang bansa.

Sa ganitong istilo, na inuunti-unti ang pagsasapribado ng lahat ng sangay ng gobyerno, hindi ba mas inutil ang planong ito? Paano ka mamumuno ng isang gobyerno na lahat ng sangay ay hindi mo na kontrolado?
Post a Comment

Popular posts from this blog

Language Extinction

Hindi lang ang mga likas yaman at hayop ang nanganganib na mawawala sa mga susunod na araw kundi pati ang mga wikang ginagamit ng mga tao. Nanganganib na mawala dahil sa paubos ang kanilang lahi at ang kanilang original na ginagamit na salita ay nagbabago o naiimpluwensiyahan ng ibang wika.

May 6, 809 na lengguahe ang buong mundo at 100-150 nito ay matatagpuan sa Pilipinas. 32 nito ay mga Agta (ayta, atta, ati, ata, dumagat, ita, negrito, baluga, arta, ) na may iba-ibang klase depende kung saan sila matatagpuan o kung anong grupo sila nabibilang. 16 nito ay nakatira sa sakop ng Sierra Madre. Lahat ng ito ay nanganganib na mawala.

Sa ngayon ang Ayta-Tayabas( Matatagpuan sa Tayabas, Quezon), Agta-Dicamay (Dicamay River, Jones, Isabela) at Katabaga (Bondoc) ang pinakakritikal sa lahat dahil wala ng rekord kung nabubuhay pa sila. Ikinokonsidera na rin kasi itong patay na wika.

Susunod sa listahan ang Agta-Isarog (Bundok Isarog ng Naga) , Agta-Villa Viciosa na matatagpuan sa Abra at ngayon na…

The Undying Customs of Ibanag

Ang Pagmamano ay isa sa mga namamatay na kaugalian ng mga Filipino. Kumukupas habang dumadaan ang panahon at naging pang-seasonal na lang ito tuwing pasko kung saan ang inaanak ay humihingi ng aginaldo sa kanyang ninong/ninang at bago siya bigyan syempre nagmamano muna.

Sa mga Ibanag, ang pagmamano ay buhay na buhay pa hanggang ngayon. Ito’y paggalang nila sa mga nakakatanda tuwing darating ang isang nakakabata galing sa bakasyon o nawalay ng mahabang oras sa loob ng isang araw.

Ako bilang isang anak ng Ibanag (nanay ko), namulat ako sa mga ugaling kaistriktohan ng aking lolo. Ang pagmamano ay dapat ginagawa at ang di pagsunod nito’y kabastusan para sa kanila. Sisitahin ka o papagalitan.

Ang paghikab habang kumakain ay kinokonsiderang hindi paggalang sa mga nakaharap sa kainan at ganun din sa mga pagkaing nakasalang sa mesa. May kaukulang kaparusahan ito. Pwedeng papaluhurin ka sa munggong nakakalat sa sahig o sa asin na nakalagay sa bilao.

Ang pag-offer ng kape sa mga nangapit-bahay …

Baina ken Buneng

Ganganin nalikaw amin ni Nana Merced ti amin a suli ti balay. Di met laengen sumangpet ni Tata Carias.      Agmaysa orasen a binay-anna a nakatakkub ti pinggan iti lamisaan. Itay pay a nagsebo ti digo ti lauya a baka a nagrigrigatanna nga iniwa iti kutsilio ta awan ti natadem a buneng ti lakayna. Ti laeng lalat a baina ti nakitana a nakabitin iti ngatuen ti kasuoran.

Alikumkumenna koma ti pinggan idi maiwalin ti abbong ti ridaw a kumamang iti sala manipud iti kosina. Ni Tata Carias ti naikuadro. Awanan timek a simrek. Narusanger ti suot daytoy ta tanda ti dina panagsukat iti dua aldaw. Simmango iti lamisaan ket imparabawna ti buneng. Nakigtot ni Nana Merced idi maitupak daytoy iti rabaw ti lamisaan. Uray la naglagto ti tinidor ken kutsara. Namarkaan ti nasilap a buneng iti nagkiggang a dara.

"Mabisinkan? Innak laeng idadang diay sida." Timmalikod ti baket.

Agsubli koma ti baket a mapan mangala iti malukong idi magaw-at ti punguapunguanna. Agpukkaw koma nga agpaarayat ni Nan…