Skip to main content

Poll Automation: A key to diminish "Dagdag-Bawas"?



Muntik nang mapurnada ang pagkaka-automation ng susunod na pampanguluhang eleksyon kung hindi ipinursigi at binatikos ng media pati na ang sambayanan.


Sa wakas matapos itong pagtalunan ng napakahaba-haba, sana pipirmahan na ang P11.3 bilyong Supplemental Budget na ito ni Ginang Arroyo na ngayon nasa mesa na niya at nag-aantay na lang ng pagdampi ng tinta sa papel. Ang nasabing budget ay hindi na pinatagal nina Senate President Juan Ponce Enrile, Senate Majority Leader Juan Miguel Zubiri at Sen. Edgardo Angara, Chairman ng Senate Committee on Finance ang bersyon ng House of Congress at ipinadala agad kay Ginang Arroyo.

Pagkatapos itong mapirmahan, uumpisahan na rin ng Commission on Election (COMELEC) ang pagpapa-bid sa Abril para makabili ng mga kailangang makinarya para maisakatuparan ang kauna-unahang National Automation Election sa ating bansa ayon sa Chairman nila na si Jose Melo. Ito daw ay magiging transparent sa sambayanan para mawala ang agam-agam na may mga mangongomisyon na naman.

Para sa akin sana hindi ito pumalpak gaya ng ginawa noong unang pagtatangkang gawin ang automation na kung saan sa huli mano-mano pa rin ang nangyari at hanggang ngayon hindi na naibalik ang downpayment na ibinayad dahil pumalpak ang mga machine. At sa laki ng halagang niyang Supplemental Budget tiyak may makikinabang na namang muli. Mahirap kasing ibalik ang integridad ng COMELEC na lalong nadungisan noong panahon ni Benjamin Abalos. Anong nangyari sa kaso ni Garcillano?

Ang tanong ngayon kung sakaling mapirmahan ito mababawasan kaya ang matagal ng sakit sa kultura natin na "Dagdag-Bawas" dahil sa mano-manong pagbibilang sa mga boto ng mga botante? Malamang OO, malamang din na HINDI. Nasa atin pa rin ang pagpapasya, mga machine pa rin kasi ang mga ito. Magiging accurate lamang ang mga ito kung walang Human Intervention na mangyayari lalo na sa mga nasa lokal na politiko kung saan doon nag-uugat ang mga pandaraya.

Post a Comment

Popular posts from this blog

Language Extinction

Hindi lang ang mga likas yaman at hayop ang nanganganib na mawawala sa mga susunod na araw kundi pati ang mga wikang ginagamit ng mga tao. Nanganganib na mawala dahil sa paubos ang kanilang lahi at ang kanilang original na ginagamit na salita ay nagbabago o naiimpluwensiyahan ng ibang wika.

May 6, 809 na lengguahe ang buong mundo at 100-150 nito ay matatagpuan sa Pilipinas. 32 nito ay mga Agta (ayta, atta, ati, ata, dumagat, ita, negrito, baluga, arta, ) na may iba-ibang klase depende kung saan sila matatagpuan o kung anong grupo sila nabibilang. 16 nito ay nakatira sa sakop ng Sierra Madre. Lahat ng ito ay nanganganib na mawala.

Sa ngayon ang Ayta-Tayabas( Matatagpuan sa Tayabas, Quezon), Agta-Dicamay (Dicamay River, Jones, Isabela) at Katabaga (Bondoc) ang pinakakritikal sa lahat dahil wala ng rekord kung nabubuhay pa sila. Ikinokonsidera na rin kasi itong patay na wika.

Susunod sa listahan ang Agta-Isarog (Bundok Isarog ng Naga) , Agta-Villa Viciosa na matatagpuan sa Abra at ngayon na…

The Undying Customs of Ibanag

Ang Pagmamano ay isa sa mga namamatay na kaugalian ng mga Filipino. Kumukupas habang dumadaan ang panahon at naging pang-seasonal na lang ito tuwing pasko kung saan ang inaanak ay humihingi ng aginaldo sa kanyang ninong/ninang at bago siya bigyan syempre nagmamano muna.

Sa mga Ibanag, ang pagmamano ay buhay na buhay pa hanggang ngayon. Ito’y paggalang nila sa mga nakakatanda tuwing darating ang isang nakakabata galing sa bakasyon o nawalay ng mahabang oras sa loob ng isang araw.

Ako bilang isang anak ng Ibanag (nanay ko), namulat ako sa mga ugaling kaistriktohan ng aking lolo. Ang pagmamano ay dapat ginagawa at ang di pagsunod nito’y kabastusan para sa kanila. Sisitahin ka o papagalitan.

Ang paghikab habang kumakain ay kinokonsiderang hindi paggalang sa mga nakaharap sa kainan at ganun din sa mga pagkaing nakasalang sa mesa. May kaukulang kaparusahan ito. Pwedeng papaluhurin ka sa munggong nakakalat sa sahig o sa asin na nakalagay sa bilao.

Ang pag-offer ng kape sa mga nangapit-bahay …

Baina ken Buneng

Ganganin nalikaw amin ni Nana Merced ti amin a suli ti balay. Di met laengen sumangpet ni Tata Carias.      Agmaysa orasen a binay-anna a nakatakkub ti pinggan iti lamisaan. Itay pay a nagsebo ti digo ti lauya a baka a nagrigrigatanna nga iniwa iti kutsilio ta awan ti natadem a buneng ti lakayna. Ti laeng lalat a baina ti nakitana a nakabitin iti ngatuen ti kasuoran.

Alikumkumenna koma ti pinggan idi maiwalin ti abbong ti ridaw a kumamang iti sala manipud iti kosina. Ni Tata Carias ti naikuadro. Awanan timek a simrek. Narusanger ti suot daytoy ta tanda ti dina panagsukat iti dua aldaw. Simmango iti lamisaan ket imparabawna ti buneng. Nakigtot ni Nana Merced idi maitupak daytoy iti rabaw ti lamisaan. Uray la naglagto ti tinidor ken kutsara. Namarkaan ti nasilap a buneng iti nagkiggang a dara.

"Mabisinkan? Innak laeng idadang diay sida." Timmalikod ti baket.

Agsubli koma ti baket a mapan mangala iti malukong idi magaw-at ti punguapunguanna. Agpukkaw koma nga agpaarayat ni Nan…