Mga Munting Komento sa Malalaking Isyu


Wow, tagal din akong namahinga sa pagbla-blog. Namahinga o nabagot? Whatever! Sa daming isyung nagdaan di man lang ako nakapagkomento pero ngayon gawin ko na lang na minsanan.
* * *
Namatay si Cory dahil sa kanser, nalungkot ang sambayanan, maraming nakiramay at ngayon may nagsasabing dapat daw siyang gawing bayani dahil sa tagumpay na ginawa niya sa bayan, naku dami atang sawsaw diyan, daming OA at gawin pang santo. Para sa akin, sobra-sobra na ata ito. Wala na ba siyang ginawang kamalian? Ano ang nagyari sa CARP na siya ang nagsimula? Naipatupad ba ito sa Hacienda Luisita? Hanggang ngayon tuloy pa rin ang laban ng mga magsasaka doon. Marami nang dumanak na dugo doon at nagbuwis pa ng buhay.
* * *

Kumain si Gloria kasama nga tuta niya sa Manhattan's Le Cirque sa New York, at umabot ito ng higit isang milyon pisos. Nagfiesta sila sa mga lutong pagkain Pranses habang ang mahihirap na Filipino ay pinagtiyatiyagahan ang tuyo at noodles. Para sa akin okay lang sana na silang mag-asawa ang kumain doon pero sa dami ng sumama at nakiangkas kaya umabot ng ganun kalaki. Ano kaya ang mas nakakalasing ang basi o ang red wine? Hindi ba ang caviar at yaong itlog ng isda, hmm dapat umuwi ka na lang sa Pampanga, dami ata doon sa inyo.
* * *

Nakakabusog este nakakahiya na pati ang Washinton Post ay ibinunyag din ang pistang ginawa nila sa Bobby Van's Steakhouse. Sarap naman niyang steak. Sana nagbaon kayo ng tapang karne ng kalabaw with matching atsara at itlog aka TAPSILOG at hindi umabot ng $15,000 ang bill pati tip sa mga waiter doon. Idinonate niyo na lang sana ang tip sa bahay ampunan, mas matutuwa pa sana ang sambayanan.
* * *

Ayon sa report, biglang lumobo ang kayamanan ng mag-asawang nakatira sa Malakanyang, mula sa pitong milyon noong bagong upo ngayon nakatayo este naging 144 milyon na ngayon. Saan kaya nila kinuha ito? Sa stock daw! E hirap nga ang buong mundo at lagpak ang stock market paano nila sabihing kumita sila doon? Pero ang tanong totoo kaya yang SAL nila? Buti na lang di natuloy ang ZTE, Maitenance ng EDSA at North Rail kung hindi triple pa sana.
2 comments

Popular Posts