Kalliendan ti Karayan Cagayan


Iti laksid dagiti pasamak a nanglayus iti Metro Manila ken Rizal, iti pannakalayus pay ti La Union ken Pangasinan, madamam a kalkalienda ti kaatidogan a karayan iti Pilipinas. Maysa daytoy a proyekto ti probinsia ti Cagayan tapno kallien, palawaen ken paunegenda ti agdama a karayan. Maawagan daytoy iti Ingles a dredging. Ngem ania kadi ti dredging? Kas kuna ti The Rocker Box, maysa daytoy a wagas tapno sultopen ti maysa a makina dagiti graba ken bato ken agraman payen dagiti minas a kas iti balitok ti uneg ti karayan. Ti Ybanag Construction ken maysa a Chinese a kumpania ti makin-iggem kadaytoy.

Ania kadi ti epekto ti dredging?
Segun iti Japan International Cooperation Agency (JICA), ti pannakakali ti kababaan a parte ti Karayan Cagayan ket isunto ti rason tapno sumrek ti danum-apgad kadagiti irrigasion. Isunto ti mangdadael kadagiti pinagayan a pangal-alaan dagiti Cagayano iti pagbiagda. Mapattapatta gamin a nasurok wenno kumurang a 10,000 nga ektaria a pinagayan ti madadael.

Disturbaren pay daytoy a dredging dagiti nabiag iti baybay a pangal-alaan met dagiti mangalap iti depaar ti abagatan a laud ti Cagayan. Adda pay posibilidadna a maunas dagiti dadduma nga specie (klase) ti shellfish, dagiti ikan a kas iti dalag ken ludong nga agbibiag ita kadaytoy a karayan.

Gapu iti panagbalbaliw ti klima, no kaspangarigan sumrekto ti danum ti baybay iti karayan saanton a bumaba ti level ti danum nga aggapu kadagiti dam iti surong a kas iti Pinacanauan ken Magat. Mangsapulto ti danum iti maayusanna, aglippiasto ti danum ken ramaramenna a dilpatan dagiti ili a madalananna.

Adda maysa ita a gakat ti Arcdiocese ti Tuguegarao tapno maipasardeng daytoy a proyekto (maituloyto...)

(Ladawan manipud iti http://goldstardailynews.com)

Source:
http://www.gmanews.tv/story/141399/Silted-rivers-blamed-for-M/B-Maejan-tragedy
http://www.newsflash.org/2004/02/ht/ht005926.htm
http://www.philstar.com/Article.aspx?articleId=515713&publicationSubCategoryId=67
http://mail.pia.gov.ph/?m=12&sec=reader&rp=4&fi=p090121.htm&no=40&date=
http://www.preda.org/archives/2008/r08110801.html
http://www.nwin.nwrb.gov.ph/Prog&Proj/JICA/basins/profiles/cagayan.htm

Post a Comment