Sabong ti Rabii


tunggal rabii agbukarda iti kasipngetan 
iti apagbingi nga anaraar maaninawan ti isemda, 
bumulodda ti apagbiit nga andap, 
inyedda ti ayamuon ken birtud ti rabii,
ket ti manggargari a lung-ay nga indayonen ti mababain nga angin,
iyukradda ti petaloda a nakalupkopan iti gangandiong a maris,
tapno ti mangrabrabii a tumatayab ket samay-up iti bangloda ti agpatnag.

Nov. 10, 2010 | Valenzuela City


Post a Comment