Skip to main content

Posts

Showing posts from August, 2010

Ti Kayo a Saleng

Gagangay iti ubbing idi panawenmi ken lallalo ita ket perdin dagiti ngipenna. Itudtudo dagiti nataengan a ti pannangan iti nasasam-it ti gapuna no apay nga agribrib ti ngipen.


Maysa ti nasam-it a makan a kaykayat dagiti ubbing, ad-adayo a pilienda daytoy ngem ti napait, naadat/nagasang ken nasugpet. Ita ta addan putotko diak pawpawilan daytoy a mangan ti nasam-it basta la ket uminom/agmulumog a dagus ti danum tapno maugasan ti ngiwatna ken karabukob. Awan nga agpayso ti perdi ti ngipenna ngem no maliwayanna met, tonsilitis ti sakitna. Sapay nagngina ama ti antibiotic nga agas.

Malagipko, daydi lelong no kasta nga agsakit ti ngipenmi iti tengnga ti rabii. Mangipaburek daytoy iti danum sananto iruar ti nabalkot iti panio a kayo ti saleng. Ipamulumogna dayta kadakami uray no diak kayat ti angotna ket wanklik mapukaw ti rikriknaen.

Iti met sabali a pagilian, ar-aramatenda dagiti Pine Needles (bulong) a kas tea. Ania ngata met ti raman daytoy?

Livestreaming; baro a klase ti media

Livestreaming, maysa daytoy a baro a teknolohia a saan pay unay a popular kadagiti dadduma nga agus-usar iti internet. Saan a kas iti facebook, maysa a social networking iti kinapopularidadna nga uray dagiti adda iti sulsulinek a lugar iti away ket addaan iti account a kastoy basta adda la ket internet provider a masapulanda.

Dua a tawenen daytoy a naipasango kaniak, nupay ammok idi nga adda kastoyen ngem naignoranteak met idi damo. Inusarmi daytoy a kadduak ni Mighty Rasing iti Kombension Nasional ti GUMIL Filipinas a naaramid iti Seminario ti OLAS iti Novaliches, Quezon City. Nabuya iti sangalubongan ti kombension uray no awanda iti nasao a pasken. Nakitada ti actual a mapaspasamak kabayatan ti seminar.

Ania a talaga kadi daytoy a livestreaming? Ti livestreaming ket maysa klase ti teknolohia nga online. Agbroadcastka a kasla iti TV. Ti pagpintasanna dimo kasapulan ti transmitter nga isu met ti ar-araten dagiti TV Station tapno makapagpabuyada.

Ania ti kasapulan tapno makapag-livest…

Bahay Pangarap; Pangarap na buhay

Idi damok a mangngegan ti kunkunada a Bahay Pangarap, ket kasla man naipalagip kaniak ti Bahay Pangarap a maysa a proyekto ti ICM sisters a mangtultulong kadagiti kunkunada a "disabled person" a mang-train ken mangasa ti kapasidadda a makabuangay iti maysa a pagbiagan a dida kasapulan pay iti ania man a tulong manipud iti sabali a tao. Ket tapno agbiagda a kas gagangay a tao a saan ketdi nga ibilang ti dadduma a padagsen iti komunidad.

Dakkelen a maibaga ti Bahay Pangarap a lima laeng a minuto manipud iti Palasio ti MalacaƱang no para iti presidente a baro pay laeng. Masarakan iti uneg ti PSG Compound iti ballasiw ti MalacaƱang. Addaan daytoy iti maysa a kuarto ken swimming pool a napalawlawan iti agduduma a klase ti tropikal a mulmula. Addaan daytoy iti nalaga a muebles nga inaratan iti synthetic a rattan, maysa a klase ti materiales a maar-aramat kadagiti resort iti Isla ti Maldives. Iti ababa a pannao, rinibu ti gatad dagitoy a muebles ta matandaanak kastoy ti inexportmi…