Pungpong Kittabong


maysa a tagainep ti nangbalud kaniak,
sapsapuyotek kano dagiti dapanmo kadagiti dakulapko,
nalamuyot ti kudil a naikalupkop kadagiti babassit a ramay ti sakam,
maanniniwak pay dagiti urat,
ken ti kukom nga abalbalayen ti nalitnaw a daram.
idi kuan bimmababaka ket inyabaymo dagiti dapanmo iti dapanko,
pinagtengngaanmi a dua dagiti dapanmo ket inlagidlagidmo kadagiti dapanmi.
masdaawka kadi no apay a di agpapada dagiti dapantayo?
sa idi kuan naggarikgikka iti makaay-ayo.
isu metten ti pannakalukagko!

ita a bigat, kayatko nga uliten ti naimnas a tagainep,
a kantaanka iti "Pungpong Kittabong"
inin-inotko a linukaisan ti ules,
siak met ita ti nasdaaw,
ganganin agpada dagiti dapanta!




Val City | Feb 18, 2010
Ladawan: http://keenfootwear.com

Post a Comment

Popular Posts