Ti Rupa ni Patay


adda latta a maiballaballaet,
agbambantay, mangsipusipot,
kadagiti kanito nga agbullagaw dagiti mata,
mangkigtot ken mangrabsut,
iti limbong ti panunot.

iggemna ti gundaway,
guyodenna ti panawen,
duroganna ti arasaas,
ket imayengna ti kararua.

adda sadiay a nakaisem,
nakaabungot, ngumayngayemngem,
ti karitna sisasagana a mailayat,
iti kanito nga agkibaltang ti addak.





Val City | Feb 20, 2011
Ladawan: http://rejectedgamer.com/2010/07/review-limbo/

Post a Comment

Popular Posts