Eureka: Panagtitinim-og



manipud iti agsinnumbangir
a paset ti nakawikaw a tubo,
agsinnabet ti datdatlag a pudot.
aglinnailo dagiti atom,
maparnuay dagiti makapamermer
a tipping ket agtitinim-ogda.
agkikiniskis ket masilmutan ti lawag,
bumtak a kas iti punganay,
no sadinno a naggapu ti law-ang.

iti tengga ti lubong,
agtayyek a sultopen
ti nangisit nga abot
ti lagip dagiti tao
mapartiparti iti napino,
agsisinnukat,
mabibineg santo maunas.



Val City | Marso 22, 2011
Post a Comment

Popular Posts