Skip to main content

Posts

Showing posts from June, 2011

Sangrado Luna

maysa a dangadang ti napasamak idi rabii
iti nagbaetanmi ken ti ari ti lawag
umar-ararawak iti rupa ni luna
ngem dinak impangag.
dinamagko no apay?
ngem kinusilapannak ketdi
a di man laeng nagkir-i.

diak makaidna, nagdanagak ket dinayamudomak.

naasi met laeng,
inarasaasannak ket kinunana:

ita a rabii
ni luna ket ipalgakna
ti ik-ikutanna a palimed .
iti likudan ti kinalidemna
iti kinangayed dagiti isemna,
iti kinangatona,
ammona met ti agpadara.



June 28, 2011
*diak kukua ti ladawan, copyright ketdi ti nangbulodak

Ania ti Daniw?

Nabayagen nga agputputarak iti daniw, saan a para iti siasino man ngem ketdi para iti bagik. Uray no dagitoy ket saan a makuna a pulido ti pannakasangalna wenno tay para pampablaak. Agputarak iti daniw tapno mapagustuak ti riknak, tapno mairuarko no ania ti im-impenek a karirikna iti maysa a banag, iti maysa a tema ken iti aglawlaw a paggargarawak.

Addaak pay laeng idi iti elementaria ngem makunak a pagtamtamedak ti obra dagiti agkakalatak a mannaniw iti intero a lubong. Aglalo idi dagiti adda rima iti udina. Kasla man iyindayonnaka no baliksem dagitoy aglalo no tay nakaiddakan. Dagitoy siguro ti nanggutigot kaniak tapno makapagkur-itak.

Adda met dagiti gundaway a no makakitaak iti nangayed a ladawan ket kasla dumges dagiti linabag iti panunotko. Ania ngata no kastoy daytoy?Ania ngata no nagbalin a kasdiay?

No damagenda kaniak no ania ti daniw, diak ammo no ania ti ibagak. Hmm, ania kadi ti daniw? Para kaniak laeng daytoy. Makaammo kayo no ania ti daniw para kadakayo.

Ti daniw ket ad…

"Papang Tulungannak Man a Sapulen ti Exodus."

"Papang pakadanunan dagiti sabong ti pan-aw no ikayab ti angin?"
Daytoy manen ti dinamag ti anakko kaniak. Banag a diak ninamnama. Madamana gamin a kurkur-itan ti puzzle a naglaunan dagiti nagan ti libro ti daan a testamento.
"Itayab ti angin iti milia-milia, kadagiti turturod, bambantay, kapanagan ken agraman iti danum.
Agdissoda sadiay a kas gangannaet. Awanan biag, awanan nagan ken kaipapanan. Ngem iti tiempo ti matutudo maigamerda iti daga ket mangruginto nga agrusing."
"Kasano a managanda iti pan-aw no kaspangarigan agdissoda iti kadanuman? Saanda kadi a malmes?"
"Agbalinda a kas gabat. No sadinno ti agus ti danum addada sadiay. Ngem saan amin a panawen ket nadawel ti danum. Aglinak met daytoy. Ket dita misagudda iti ig-igid."
"Adda pay kadi namnama nga agsublida iti naggapuananda, 'Pang?"
"No gamin nakapagramuten ken nakapagpaadun iti nagdissuanna, marigatanton nga agsubli pay."
"Ngem mabalbalin pay kadi?"
"D…

Mi Ultimo Adios - Maudi a Pakada

Maudi a Pakada
(Dr. Hermogenes F. Belen’s Ilocano translation of Dr. Jose P. Rizal’s “Mi Ultimo Adios”)

Agpakadaakon ay-ayatek nga ili: ayuyang nasudi a lawag!
Gameng dagiti baybay daya: saniatami a napukaw…
Biagko siaayatak a mangidiaya: nakurapay, awanen gasat
No koma pay nasudsudi, nay-ayamuom, ken nalaslasbang
Ipaayko pay la kenka no isut’ mangted pagimbagam!

Kadagiti tay-ak paggugubatan : iti kapingetan ti laban
Impatlit’ daddumat’ biagda : awan duadua, awan alidunget!
Ti lugar awan kaimudinganna : laurel, lirio, wenno sypres :
Pagbitayan wenno dangadangan: panagtibay wenno panagranget:
Padapada no agpaay pagimbagan ti ili ken pagtaengan…!

Matayak no makitak iti tangatang ti agbukan a lawag
A mangirakurak iti agsapa: sukat rabii a nalidem!
No kasapulam ti maris: maris a pangtina iti bannawag
Ibukbukmo, ipasagepsepmo ti umiso a kanito ‘toy darak
Tapno ti sinamar iti kaippasngay a lawag palangtuem!

Inar-arapaapko idi ubingak: naganusak nga atutubo…
Inar-arapaapko idi nataenganak: ad…

Balingkanaway

inlemmengko ti bagik
kadagiti santilmo a nangiyaw-awan iti alintataok
isuda a nangtakaw iti tugotko.
naglemmengngak,
iti danum a di matukod ti bulo,
wenno iti bato a di mabukkual ti maso.
ngem adda sadiay ti kararuak
agkatangkatang, agsipsiput,
nga iti tunggal atang a maiyayab
sumimsimak,
iti tunggal kandela a masindian
umappirasak.

inlemmengko ti bagik
tapno sapulek ti kaibatugak.



June 17,2011
* diak kukua ti ladawan, copyright ketdi ti akinkukua.

No Lipatennak - Si tú me olvidas

No Lipatennak
(sapay ta maikari daytoy a panangiyulogko manipud iti daniw ni Pablo NerudaSi tú me olvidas)

Kayatko a maamuam ti
maysa a banag.

Ammom no kasano daytoy:
a no mingmingak
ditoy tawa
ti mulinaw a bulan, ti de-rosas a sanga
iti naannayad a panagreregreg,
no sagidek
iti asideg ti apuy
ti naingpis a dapo
wenno ti kuretret a bagi ti kayo,
amin ida iyegdak kenka,
kasla amin a banag,
ayamuom, silaw, banbanag,
ket kasla babassit a bilog
nga aguray
a mapan aglayag
ken mangiyeg kaniak dita sadiam.

Nasayaat, no ita,
ket in-inuten nga isardengmo nga ayatennak
In-inut metten nga isardengko nga ayatenka.

No pettat
a lipatennak
dinak koma sapulen,
ta nalipatkanton.

No kunaem a naunday ken kagurak,
dagiti wagayway
a lumabas ditoy biagko,
ket no ikeddengmo
a panawannak iti igid ti baybay
ti pusok a nagramutak,
lagipem
a kadayta nga aldaw,
kadayta nga oras,
intag-ayko ti takkiagko
ket alut-otek ti ramutko
tapno sumapulak iti sabali a daga.

Ngem
no ti tunggal aldaw,
tunggal oras,
a marikn…

Panangsuba iti Angin

AGAINST THE WIND
by Bob Seger

It seems like yesterday
But it was long ago
Janey was lovely she was the queen of my nights
There in the darkness with the radio playing low
And the secrets that we shared
The mountains that we moved
Caught like a wildfire out of control
'Til there was nothing left to burn and nothing left to prove
And I remember what she said to me
How she swore that it never would end
I remember how she held me oh so tight
Wish I didn't know now what I didn't know then

Against the wind
We were runnin' against the wind
We were young and strong, we were runnin'
Against the wind

The years rolled slowly past
And I found myself alone
Surrounded by strangers I thought were my friends
I found myself further and further from my home
And I guess I lost my way
There were oh so many roads
I was living to run and running to live
Never worryied about paying or even how much I owed
Moving eight miles a minute for months at a time
Breaking …

Tapok

Tapok
(naiyulog manipud iti Dust a daniw ni Dorianne Laux)

Adda nakisarita kaniak idi rabii,
imbagana ti kinapudno. Sumagmamano laeng a sao,
ngem matandaanak pay.
Ammok bimmangonak koma,
ta ikur-itko, ngem naladawen,
napaksuyanak 'gamin iti kauubra
iti inaldaw a panangibunag kadagiti bato.
Ita, malagipko laeng ti ramanna —
saan a kas makan, nasam-it wenno natarumamis.
Mas kaarngina ti napino a pulbos, kasla tapok.
Saanak a magagaran wenno maamak,
ngem ketdi simple a pannakabatombalani ken panangisagana.
Dayta no maminsan —
Ti Dios ket umay iti tawam,
amin a nalawag a silaw ken nangisit a payyak,
ngem nabannoganka unay tapno ilukatam koma.


Dust
BY DORIANNE LAUX

Someone spoke to me last night,
told me the truth. Just a few words,
but I recognized it.
I knew I should make myself get up,
write it down, but it was late,
and I was exhausted from working
all day in the garden, moving rocks.
Now, I remember only the flavor —
not like food, sweet or sharp.
More like a fine powder, like dust.

Siwawaya ti Filipinas

Siwawaya ti Filipinas. Wen, siwawaya ti Filipinas ken dagiti umilina ta adda demokrasia nga intayo nannanamen, a no maminsan maab-abuso daytoy gapu iti kinawaya dagiti umili nga agaramid iti maikaniwas. Agibaga iti kaykayatna uray pay nga awan iti umisu a base-an.

Ngem kunak sibabalud latta ti Filipinas no iti ekonomia ti pagsasaritaan. Madikdiktaran pay laeng daytoy iti akinruar a pigsa. Pigsa nga aggapu kadagiti dadduma a pagilian nga addaan iti dakkel a kontrol iti nainlubungan nga ekonomia. Ta ti Filipinas ket nakasadag pay laeng aglalo kadagiti makabaruanan a bannuar wenno dagiti OFW.

Sibabalud pay laeng ti Filipinas ta adu pay laeng kadagiti umilina ti addaan kononial a panagpanpanunot, a dagiti imported ket nasisiaat nga amang. Dida ammo nga ipateg ti pagilianda agraman ti padada ken dagiti partuatda nga isu koma a makatulong iti ekonomia tapno makaparnuay iti ad-adu nga oportunidad a trabaho.

Sika ania ti makunam iti kinawayawayam?

Sadiay Tawa

SADIAY TAWA
(naiyulog manipud iti "At a Window" ni Carl Sandburg)

Ikannak iti panagbisin,
Sika a Dios a nakatugaw ken mangmangted
Talinaay iti lubong.
Ikannak iti panagbisin, saem ken kinakisang
Dita bimmalitok a ridawmo a nadayaw,
Itedmo kaniak ti kinarugak, makautoy a panagbisin.

Ngem ibatianak koma ti bassit a panagayat,
Maysa a timek a makisao kaniak iti panaggibus ti aldaw,
Maysa a dakulap a mangsagid kaniak iti nasipnget a siled
Mangper-ak iti naunday a kinakawaw.
Dagiti gayamudaw iti sumipnget
Kumusnaw ti itatabon ti init,
Maysa a bassit a bayanggudaw, bandus
Ti lumtuad manipud iti panaginnagaw ti sipnget ken lawag.
Bay-annak a mapan sadiay tawa,
Buyaek ti idadarup ti sipnget
Ket agurayak tapno ammuek ti isasangpet
Ti bassit a panagayat.


(Sapay ta umisu met laeng ti panangiyulogko)


- - - - -

At a Window
BY CARL SANDBURG
(http://www.poetryfoundation.org/poetrymagazine/poem/2047)

Give me hunger,
O you gods that sit and give
The world its orders.
Give me hunger, pain and wa…

Circulo de Vida

no kunoten ti daga ti linaaw a matnag iti agpatnag,
agalibungabong daytoy no kessenten ti init,
itayab ti angin ket tumipon kadagiti napirsapirsay nga ulep,
punuenna ti nagbaetan ti tangatang
ket sananto isubli a kas linnaaw iti sabali manen a rabii.


June 9, 2011
Ladawan: http://pixdaus.com

Iti Ikub ti Sipnget

manirtiritir a pannakaitapaw
iti natalna, nalidem ken makatitileng
a pannakaisina ti bagi ken kararua
addaan simbeng ngem nabalkutan ti naisangsangayan
ken nairut a pannaginana.
koma no kukuam ti gundaway
ta guyodem ti pannakaipasngay agingga iti ipupusay
tapno iti kasta mabaktawam ti liday,
iti ikub ti kinaagmaymaysa
addaka iti agpang ti pannakaibitin,
ti makedngan no agtuloy ti puli
dagiti sarampiting, ti pannakaiwawa
ti pangaddua ken kinamanaginkukuna,
saan a sika ti mangeddeng,
no di ti tiempo ken panawen,
no maysakanto nga eppes
wenno maysa a kulibangbang.



June 2, 2011