Skip to main content

Posts

Showing posts from January, 2011

An Unplanned Trip: Bangui

Apaglikudmi laeng manipud iti arko ti Pagudpod ken sumrek kamin iti ili ti Bangui, awanen ti tudo a makitami. Nakamagmaga ti aglawlaw. Kasla iti laeng ili ti Pagudpod ti buybuyatanna.

Sakbay nga agpa-Bangui kami koma ket dumagas kam' iti Kabigan Falls, maysa a kilometro manipud iti highway. Kunami no sementado ti kalsada nga agpauneg ngem saan gayam, maibati ti lugan iti ruar santo talaytayen ti kasla aripit. Inkeddengmi laengen ti di nagtuloy.

Nagparadakami iti igid ti kalsada a makitkita dagiti higante a turbina. Magagagarankamin a makipinnitiur kadagitoy naiyiras a 20 a paligpalig iti igid ti aplaya. Uray idi adda kami pay laeng iti Arinaya White Beach Resort ken masiparen dagitoy.

Sinapulmi ti serrekan a mangitunda kadakami iti aplaya. Nasurok pay a maysa kilometro manipud iti highway ti dalliasaten. Manipud kadagiti babbalay iti igid ti rough road a kalsada, gangani tunggal balay adda ti naidisplay a tagilako iti naipabassit a turbina.

Iti ididisaagmi iti luganmi ket diak ni…

An Unplanned Trip: Pagudpod

Gapu ta agsaknapen ti sipnget idi dumanon kami't Pagudpod ken napigsa ti tudo a kasla man adda bagyona ket saan kamin a nagpili pay ti madagusanmi. Ti umuna a resort a natuparmi ket ti Arinaya, inkeddengmi nga isu lattan nupay adu koma pay. Lang-ab ti agat asin ti naipasabat iti agongmi ken ti danarudor ti narungsot a daluyon a mangsapsaplit iti aplaya. Kasla naungaran ti bagik iti pannakalang-abko ti presko nga angin. Kasla nabati amin iti siudad dagiti problema.

Nangina ti upa dagiti kuarto iti Arinaya nupay kunada a para iti off-peak season. Saan a maiyannatup ti gatad iti serbisioda. Dagiti tao ti resort ket masadsadut a sumango kadagiti kliyenteda. Pamiliar kaniak ti serbisio dagiti 5-star hotel ti siudad gapu iti trabahok ket no ikumparak iti kina-hospitalidadda ket adayo unay. Ti kuarto a naited kadakami ket kasla di man laeng nasagadan wenno na-vacuum. Adu dagiti darat a nakastrek. Kayatko koma ti agpagna-pagna pay iti aplaya ngem nabannogen ti bagik. Ket naturog kami a m…

An Unplanned Trip: The road to Pagudpod

Kalpasan ti panagrikosmi kadagiti calle ti Vigan ket nagsasanguanmi ti boodle food iti Los Mojitos a masarakan iti Gen. Luna St. Nadagaang ti aglawlaw ta urayko la nauksob ti sweaterko. Damo dagiti kakaduak a makita dagiti pasdek iti Calle Crisologo. Iti pammaliiwko ganganin agbaliw ti langa ti Vigan, adda gamin dagiti dadduma a pasetna a saanen a kas ti disenio ti daan a Vigan. Sayang ta nabuniagan pay met daytoy a World Heritage Site.

Iti dua oras a panaginanami ket intuloymi manen ti nagpa-Norte. Pasado alas dos idi panurnorenmi manen ti Maharlika Highway. Makapnek ti buya, manipud kadagiti tabako a ganganin magatud, kadagiti mais nga agsabsabong ken dagiti bawang ken sibuyas a naglalangto ket isu ti nangiturongak iti imatangko. In-inuten nga agkuyem ti tangatang, idi makadanon kami iti ili ti Sinait ket nangbuyaten. Saan a napigsa ngem makasulek iti mata dagiti binukel nga awiden ti wind shield ti kotse. Saguyepyepennak ngem tinengngelko ti riknak. Inkeddengmi ti gumatang iti pam…

An Unplanned Trip: Vigan Stop Over

Aldaw ti Huwebes, Enero 20, idi malagipmi nga ituloy ti di a natuloy a biahemi koma nga agpa-Pagudpod idi Mayo gapu iti eleksion. Nagngudo ti biahemi laeng idi sadiay Baguio, tapno makapagbotos dagiti kakaduak ket nagsublimi. Ket gapu ta awan pay unay ti adu a miting no kastoy nga Enero ket inkeddengmi ti nagpa-Ilocandia.

Parbangon ti Biernes idi nagrubuat kami. Namurumuran ti bituen ti tangatang a mangibagbaga a napintas ti panawen. Gapu ta damo dagiti kakaduak ti agpa-Ilocos ket siak ti nagbalin a tour guide da. Nalamiis ti palayupoy ti angin idi mammigat kami iti ili ti Sto. Tomas, La Union. Uray saan a prominente ti kantina a nangananmi ngem naimas dagiti lutoda. Siguro gapu iti iliwko iti luto ti kailukuan. Original a pinakbet, dinengdeng, papaitan (talaga a napait), sabunganay a naigisa, igado ken naadobo a pusit nga adda pay bugina. Idi makatig-ab kami ket intuloymin ti nagpa-Norte pay.

Addan iti lulonanmi ti init idi makadanon kami sadiay Vigan.