Skip to main content

Posts

Showing posts from March, 2011

Diam Suroten ti Tugotko

adda bugi dagiti balligi nga inka sukdalen,
ket iti tunggal bunga a maregreg, kabukbukodam dayta,
makaammoka a mangipisok dita alatmo,
makaammoka a mangbilang, mangikamada,
agingga nga aglaplapusananto.
ti laeng ipakpakaasik,
diam suroten ti tugotko,
mangtakwatka iti bukodmo a desdes.
itinnagmo amin a pigsam, ti kabaelam,
ket dika bilbilangan iti mapalusposam,
no anianto man ti pakaitublakam,
addaakto a siisem kenka,
sige karruam latta!

Val City | Marso 24, 2011

Annabel Lee

Annabel Lee, daytoy ti komplete a maudi a daniw ni Edgar Allan Poe, ti kunkunada nga Ama ti Literatura ti Amerika. Kuna dagiti kritiko, ti kano asawana ti nagbalin nga inspirasionna a nangsurat daytoy.

------
ANNABEL LEE
by Edgar Allan Poe

It was many and many a year ago,
In a kingdom by the sea,
That a maiden there lived whom you may know
By the name of Annabel Lee;
And this maiden she lived with no other thought
Than to love and be loved by me.

I was a child and she was a child,
In this kingdom by the sea:
But we loved with a love that was more than love -
I and my Annabel Lee;
With a love that the winged seraphs of heaven
Coveted her and me.

And this was the reason that, long ago,
In this kingdom by the sea,
A wind blew out of a cloud, chilling
My beautiful Annabel Lee;
So that her high-born kinsmen came
And bore her away from me,
To shut her up in a sepulchre
In this kingdom by the sea.

The angels, not half so happy in heaven,
Went envying her and me -
Yes! that was the reason (a…

Eureka: Panagtitinim-og

manipud iti agsinnumbangir
a paset ti nakawikaw a tubo,
agsinnabet ti datdatlag a pudot.
aglinnailo dagiti atom,
maparnuay dagiti makapamermer
a tipping ket agtitinim-ogda.
agkikiniskis ket masilmutan ti lawag,
bumtak a kas iti punganay,
no sadinno a naggapu ti law-ang.

iti tengga ti lubong,
agtayyek a sultopen
ti nangisit nga abot
ti lagip dagiti tao
mapartiparti iti napino,
agsisinnukat,
mabibineg santo maunas.



Val City | Marso 22, 2011

Kabulig

Madamaak nga agikurku-it iti laptopko
idi agdamag kaniak ti putotko.
"Papa, ania ti kayat a saw-en ti asawa?"
Nagsardengak a nagtipa, nagpanunotak iti sao
a nalakana laeng a maawatan iti edadna.
"Kaddua iti biag, 'basangko. Kasla kenni mamam." insungbatko.
"Agkadkadua kayo ngarud? Saanmo kadi nga ay-ayaten?"
"Amman, a."
Sinangok ulit ti monitor. Bareng nalpasen ti panaguntona.
"Ay-ayaten a kaddua iti biag kunam 'garud, Papa." Panangisurona.
Nangtung-edak.
Tinaliawko ket madaman daytoy nga agdro-drawing.
Apagisu a malpasak idi ikalbitna kaniak
ti papel a nangikabilanna ti ladawan.
"Papa, sika daytoy ken ni Mama."
Ladawan ti dua a tao a nagpinnetpet dagiti dakulap.
"Daytoy met ni Babes ken ni Cassey."
Intudona ulit ti maikaddua a grupo.
"Sinno ni Cassey?"
"Alla, ni Papa. Cassey ti nagan ti asawa ni Babes."
Ni Babes tay asomi gayam.
"Daytoy met maikatlo ket ni Tata Nestor ken ni Nana Opelia.…

Gangtam ti Apoy

"O, swear not by the moon, the fickle moon, the inconstant moon, that monthly changes in her circle orb, Lest that thy love prove likewise variable."
-Verse from Romeo and Juliet by William Shakespeare
supermoon...
pabaraem ti bagik ita a rabii,
umayka ditoy sibayko,
aprosam ti pakabuklak
ken dilpatam ti kaunggak
bugbugtungak ditoy, malmalday a matmaturog
awatem koma ti imak,
ket agkuyogta a talantanen ti uniberso.


Val City | Marso 20, 2011

Iwaksim ti Buteng

IWAKSI ANG TAKOT

Marapat nating iwaksi mula sa ating
Kaluluwa ang lahat ng takot at silakbot
Na dulot ng nagbabadyang panahon.
Angkinin natin ang katiwasayan
Sa kahigitan ng ating damdamin
At kabuuan ng ating mga pandama
Hinggil sa kinabukasan
Marapat nating salubungin ang bukas
Na taglay ang tining ng loob.
At marapat nating pakaisipin na anumang darating ay tanging-laan
Sa atin bilang atas ng daigdig
Na puspos ng karunungan.
Ito’y bahagi ng nararapat nating
Matutuhan sa panahong ito
Ang sumulong nang may wagas na pananalig
Na hindi nakasandig sa layaw ng buhay.
Manalig sa walang humpay na saklolong hatid
Ng daigdig ng kaliwanangan.
Siyang tunay, walang kabiguang magaganap
Kung ang ating katatagan ang siyang maghahari.
Pukawin natin ang sariling kamalayan
Sa tuwing sisilay ang umaga
At sa bawat pagdatal ng dilim.

- by Rudolf Steiner
Salin mula sa Ingles nina Necias Chaves Pataunia at Maria Abulencia



Ladawan: stock.Xchng

Kapitalista

i.
Binugtaknaka ni tatangmo,
"Agbettaken ti sara ti nuang!"
linidlidmo dagiti matam
tapno matnag ti nagkiggang a mukat
a nakaballangan iti kurimatmatmo.
Diam sinungbatan ti dakkelmo
ket indalimanekmo ti nagiddaam.
Makabulan gayamen ti napalabas sipud daydi
iyuuliyo iti entablado tapno awatem
ti agas dagiti banbannogmo.
"Kasapulan a makasapulka iti trabaho
tapno maabrot ti gasgastos kenka!"

Ni Nanagmo met ita ti simmublat a nanggelgel kenka
bayat iti isusubom iti pammigat a tinapa.
Saanen a baro daytoy a buya,
gagangay laengen ti tinapa a naiyataday
iti umas-asok nga innapuy
ket maiparabaw iti rutay-rutay a mantel
a nangabbong iti lamisaan.


ii.
Iti iruruarmo iti lipit
a kumamang iti pinakamayor ti *abot
a pagkul-uban dagiti linaksid ti siudad,
nasabatmo ni Rajnish, ti Bumbay nga agpapautang.
Diam ammo no apay a Bumbay ti awagda kadakuada
ket naggapuda met iti pagilian ti India.
Kas iti sigud agisursursor manen daytoy kadagiti balbalay
iti patintinnaganna nga apek…

Paradox iti Bigat

i.
Bimmangonka a nasapa tapno estimarem
ti gargaret dagiti annakmo
a sumrek a nasapa iti eskuelaan.
Inrapinmo metten ti nagluto iti pammigatyo.
Iti panagsangom iti dalikan diam napuotan
iti iyaasideg ni lakaymo ket inarakupnaka a nakatallikud.
"Agtalnaka man" ket sinimpam ti dastermo a natiritir.
Napan nagdalupisaak ni lakaymo a napasugnudan iti sango ti dulang.
Nagdardaraska met a nangkarga iti taza
iti pampapudotna iti rusokna sakbay
a mapan agarado iti bangkag.
Inyawatmo ti nabaaw a kape.
Dina sinimsiman ngem ketdi nagrupanget,
Diam mailadawan ti rupana.
Nagdanagka.
"Saanen a kas iti dati ti raman ti templam!"

ii.
Saanka a nasapa a bimmangon tapno estimarem
ti gargaret dagiti annakmo
a sumrek a nasapa ti eskuelaan.
Dika met inrapin ti nagluto iti pammigatyo.
Dika simmango iti dalikan ngem napuotam
ti di panangasideg ni lakaymo kenka, saanaka nga inarakup ta simmangoka.
"Dika man agpakatalna" ket inlukaismo ti dastermo a nasimpa.
Saan a nagdalupisaak ni l…

Saan a Mapagtalkan ti Masakbayan

Saan a mapagtalkan ti masakbayan
adda ubbaw a kari nga iyedna
agbaliw ti marisna bayat iti panagdaliasat
iti nawatiwat, likkalikkaong a dana.

Saan a mapagtalkan ti masakbayan
addaan puris a mangdunor iti imatang
addaan anges a manggantil iti pakinakem
ket imayengna ti asino man a mangtangad.

Saan a mapagtalkan ti masakbayan
aglemmeng a kas igat
addaan biag nga agpatiliw
tapno maammuan ti kaipapananna.



Val city | Marso 16, 2011
Ladawan: http://ucdavismagazine.ucdavis.edu

Agtutulad

i.
adda arep-ep nga idaton ti sipnget,
agkuti ti anaraar a nabulod
manipud iti apagbingi a kingki
makatitileng ti urok dagiti kuriat
a dumanggay iti kumpas ti katre,
awan ti makalapped iti panagtipon ti anabaab
bukodda ti gundaway a mangkagay ti ulimek
uray pay dagiti agangat a taraken
a mangsipsiput iti lamolamo a tapok
agpagunggan a mangtiliw iti darikmat.

ii.
agbinnales dagiti bagi
bagim-bagik, kukuam-kukuak
agarimasan ti bangkag
situtulok daytoy a maraepan iti agpatnag.


Val City | Marso 15, 2011
Ladawan: http://www.spokemagazine.com/

Dika Agtakder iti Tanemko ket Aganug-og

Original a sinurat daytoy ni Mary Elizabeth Frye. Maysa daytoy nga epitaph a daniw. Makapaseggar (goosebumps) daytoy a verso. Aglalo ti panagkanta dagiti ubbing (Libera) iti video. Binulodko daytoy iti Youtube. Kaslada la anghel kadagiti soprano a bosesda. Bareng makapatar ti panangiyulogko manipud iti English.
Dika agtakder iti tanemko ket aganug-og;
Awanak sadiay, saanak a matmaturog.
Siak ti palayupoy ti sangaribu nga angin
Siak ti alipaga ti batonsileng iti rabaw ti niebe.
Siak ti raya ti init kadagiti maluoman a bukel.
Siak ti naumbi nga arbis iti panawen ti panagreregreg.
No malukagka iti talinaay ti bigat
Siak ti lagsit a panagdardaras nga itatayok
dagiti naulimek a billit nga agbangabanga iti tangatang.
Siak ti naalumamay a bituen nga agkiraykiray iti rabii.
Dika agtakder iti tanemko ket agsangit;
Awanak sadiay, saanak a natay.



Do not stand at my grave and weep
~Mary Elizabeth Frye

Do not stand at my grave and weep;
I am not there, I do not sleep.
I am a thousand winds that blow…

Terra

agrittuok ti bales
a gungonen ti nattangan nga abaga,
lapunosen ti anasaas,
ket rebbaenna dagiti ballangan,
kamatenna ti madalapus dagiti mata,
ket sarwaganna uray dagiti sang-at.


agparuar ti dakes nga angin
ket maangsan ti agbubusog a tian.

Val City | Marso 11, 2011
Ladawan: http://flickr.com

la muerte fino

i.
mandaren ti panunot ti guyod ti lasag,
agalikuno a ngumato-bumaba,
salputenna ti angin
a nakaipatakderan ti batonlagip.
mapespes ti pigsa
ket agpadegges iti natikagan nga ima,
agpasikkil ti naluganan a bagi
tapno itapawna ti gartem.
agbullagaw ti mata,
ken agindayon ti nota,
umpes ti nakatillayon a bola
a nakaiyuperan dagiti nagalis a kararua.

ii.
orasion! arasaas!
arasaas! orasion!

iii.
manipud iti punganay,
iti mangliwengliweng a sipnget,
pasetnak ti dara ken lasag.

iv.
sinukon ti kumanarab-as nga alimpatok
ti mabekbekkel a gasat,
ket sul-oyen ti tubo manipud
iti murdong ti usok,
tumrem ti Timbuktu,
ket agayos ti layus.
addan ti armagedon!
gingined,
bara ken lamiis.

v.
manipud sipnget dumagas
iti puseg ti kasipngetan a siled,
ngem saan a matungpal ti katulagan
ta dagiti kararua maibilag iti lawag.


Val City | Marso 10, 2011

Zen

ti pannakalawlawag ti panunot
ket kasla bulan nga agsarming iti danum,
saan a mabasa ken kaskasdi a di mabuong,
ngem uray ti anaraarna
ket nalawa ken nagpaiduma,
maanninawan latta uray
iti maysa dangan laeng a lubnak,
ti rupa ti law-ang,
ket agandap latta
uray iti nagdisso a linnaaw
iti sidong dagiti ruot.


Val City | Marso 9, 2011

Dagiti banag a kalkalikaguman

- - - - - - - - - - - -
Desiderata
by Max Ehrmann (1872-1945)

Magpatuloy kang mahinahon sa gitna ng kaguluhan at pagmamadali,
at tandaan kung anong kapayapaan ang maaaring mayroon sa katahimikan.
Hangga’t maaari, walang pagsuko,
magkaroon ng mabuting pakikipag-ugnayan sa lahat ng mga tao.
Sabihin ang iyong katotohanan nang tahimik at malinaw;
at pakinggan mo ang iba,
kahit na ang walang sigla at walang nalalaman;
mayroon din silang sari-sariling mga salaysayin.
Iwasan mo ang matitingkad at mararahas na mga tao;
nakaliligalig sila sa kaluluwa.
Kapag inihambing mo ang iyong sarili sa iba,
maaari kang maging hungkag o may kapaitan,
palaging magkakaroon ng mga nakalalamang at mas mababang mga tao kaysa iyo,
Kasiyahan ang iyong mga naisagawa, maging ang mga balakin mo.
Manatiling nahuhumaling sa iyong larangan, gaano man kababa;
Isa itong tunay na pag-aari sa pabagu-bagong katalagahan ng panahon.
Magsagawa ng pag-iingat sa iyong mga pakikitungong pangpinagkakaabalahan,
sapagkat puno ang dai…

Patigmaan

segseggaak ti agtabon a malem,
iti sirok ti bangsal
dagiti ranitrit ti bagi ti kawayan
a mapayatan ti danapeg
nga agdardaras a mangarasaw iti kaldero
a nadungrit,
kasda man harmonika a mapuyotan,
mangdayyeng a mangagas
iti makabibineg a kettang.
bagik latta ti ulimek,
a kasla awanak a makitkitam,
agapoak sakbay a mabatingting
ti pagtigmaan iti diding
agepak ti naggapuan
ti amin a nakarparsuan,
ket inkanto metten pasgedan
ti pagsaingan,
a mangidaton iti nainlangitan
a panagyaman.


Val City | Marso 7, 2011
Ladawan: http://www.squidoo.com/gecko_lizards

iti panagsabet ti bara

nagpuligos ti angin.
intal-ona ti bara a nabulod
iti makasinit nga urna.
nagkayag ti agila
a nagdisso iti naamnot a daga,
sinippitna ti nakarungarong a bin-i,
a sumirsirip iti nababaetan dagiti ruruot,
nasam-it, makapabang-ar, makabatombalani,
iti tunggal ikukurukorna,
pinigsaanna,
naparpardas,
kayatna nga alut-oten agraman ti ramut,
inyungapna ti sippitna,
ket pimsuak ti nalitnaw a dara!




Val City | March 3, 2010
Ladawan: http://wallpapers.net/view/blood_stain-1024x768.html


Dagiti Berso iti Tren

Rinibu ti agluglugan iti LRT iti inaldaw ngem manmano laeng siguro ti agkainteres a mangbasbasa kadagiti nakapaskil iti uneg ti tren. Maysa kadagitoy ket dagiti dandaniw nga Espaniol a naiyulog iti pagsasao a Filipino. Proyekto daytoy iti nagbaetan ti LRTA ken Instituto Cervantes a nangrugi pay idi 2007.

Nabayagen a makitkitak dagitoy a daniw ket iti tunggal lumuganak isu laeng ti sangkabasak piman. Makapaguyugoy dagiti berso a naiyimprenta iti nangisit, puraw ken nalabbaga. No kasta a maitiro ti imatangko kadagitoy, uraynak la agtantanamitim ket kitkitaendak dagiti pasahero.

Iti amin a nabasak ditoy, ti daniw ni Luis Cernuda a Si el hombre pudiera decir lo que ama(If man could say what he loves) ti pinakapaboritok amin.

Tu justificas mi existencia;
Si no te conozco, no he vivido;
Si muero sin conocerte, no muero, porque no he vivido.
-Luis Cernuda

Ikaw ang dahilan kung bakit ako nandirito,
kung 'di kita nakilala, 'di sana ako nabuhay.
Kung ako'y mamamatay nang 'di ki…

Sumiasika

Salmon starts to steadfastly swim against the current. This time its task is harder because, whereas it could easily pass down waterfalls with the assistance of the current the first time, it has to climb up over them this time. During this journey the salmon may need to swim through shallow waters that leave its upper fin above water. These shallow waters are full of birds, bears and many wild predators. (excerpt from http://www.kitabosunnah.com)
agdaliasatka
iti
bukodmo
a desdes,
sumniasika
iti agos
ti danum,
ta
adda
agur-uray
a
ragsak
sadiay
surong!




Val City | March 1, 2011
Ladawan: http://www.forthright.net