Skip to main content

Posts

Showing posts from August, 2011

Pannakarugnay

nasaysayaat a suruan ti ubing
no kasano ti mangbangon iti maysa a palasio
a naipaaruyot manipud iti darat a nakubkob.
napno pay laeng ti rupana ti regget,
iti gagem a mangbalabala
iti tinukad a pinatibker ti apgad
a naggapu iti ling-et ken saet.
awan ti pannakautoy,
iti pannagbiragsot no iti tiempo
a dumuprak ti agkakamakam a dalluyon.
sadaenna daytoy a tabbaawan
wenno bay-anna ti bagina nga isu ti
aglak-am iti apges ti masaplitan,
ti matuptupraan ti labutab
tapno laeng ikanawana ti
naipatakder a balay
iti inna pannakarugnay.



August 18, 2011

Dika Agpaatiw iti Tudo - Ame ni mo makezu

Daytoy a daniw ni Miyazawa Kenji nga Ame ni mo makezu (Be not Defeated by the Rain) ket kunaek a maysa a klase ti Desiderata. Maysa a pampatibker iti pakinakem.


Dika Agpaatiw iti Tudo

Dika agpaatiw iti tudo,
Wenno uray pay iti angin.
Dika rumukma iti lam-ek ti niebe
Ken iti dagaang ti kalgaw.
Patibkerem ti bagim.
Wayawayaam ti essem.
Diam pagarien ti pungtot.
Parukuasen ti ragsak ni kinaulimek.
Iti pannanganmo iti inaldaw,
Uppat a tasa ti innapoy, kaldo
Ken sumagmamano a natnateng,
Iyud-udim ti bagim iti amin.
Paunaem ti sabali iti sangom.
Kitaem ken denggem,
Awatem ken dika lipaten
Iti kapanagan, ti maysa a pinan-aw a balay,
Nakasirok a paypayungan ti saleng.
No adda man naidalit nga ubing iti Daya,
Darsem ket inka koma pagimbagen.
No adda man nabannogan nga ina iti Laud,
Darsem koma, inka pagin-awaen iti bakbaklayenna.
No adda man agngangabit ken patay iti Amianan,
Darsem ta inka bagaan ta di agbuteng.
No adda riri wenno pannakaidarum iti Abagatan,
Darsem a bagaan ida nga isa…

ti sarusar

linikmotna ti agamang. umis-isem a mangkitkita kadagiti baro laeng a semento a naitapkal iti diding. pinasuktanna ti agrakrakayan a tinidtid a bulo a nagbalin a saksi iti naggappuananna a kinanumo. saan laeng dagitoy a narasi ken daan no ketdi abut-abut payen nga isu ti simrekan dagiti marabutit.

idi laeng napalabas a lawas, nagtabtabbaaw ta nagkaiwara ti kasla naburiki a saksako dagiti irik. nagpiestaanda manen kinunkunana. naiwara ti nagkutimanda iti suli. isu daytoy ti rason no apay a dinengngegna ti balakad ti kaarubana a napan met simmirip idi aglaawlaaw daytoy.

naminsan pay a nagsirigsirig. pinennekna no awan met laengen ti lumsotan dagiti marabutit. ngem idi kitanna ti alad, nakakita ti ipus iti linged ti buntuon a nangipannanna iti nagkaanan dagitoy. nangpidut iti napasapas a kariskis. linayatanna daytoy a pinalek. nagkuripaspas ti marabutit. pidduaenna koma ngem limmagto daytoy a simpok iti kasamekan iti likud ti kamalig. iti rurodna dimmawat iti dua a pusa iti kaarubada. b…

Nagbirri a Puso

Jar - karamba, burnay, garapon

gapu iti liriko daytoy a kanta, inusarko lattan ti birri wenno nagbirri ngem kadagiti naagapad a kaibatugan ti sao a jar. ta no kaspangarigan mamulitan ti maysa a karamba, burnay wenno garapon, agbirri daytoy sakbay a mabuong a kas met iti maririkna daytoy nangkanta.
Jar of Hearts
by Christina Perri

i know i can’t take one more step towards you
cause all thats waiting is regret
don’t you know i’m not your ghost anymore
you lost the love i loved the most

i learned to live, half alive
and now you want me one more time

who do you think you are?
runnin’ ’round leaving scars
collecting a jar of hearts
tearing love apart
you’re gonna catch a cold
from the ice inside your soul
don’t come back for me
who do you think you are?

i hear you’re asking all around
if i am anywhere to be found
but i have grown too strong
to ever fall back in your arms

ive learned to live, half alive
and now you want me one more time

who do you think you are?
runnin’ ’round leaving scars

la saison

iti panagsusulbod,
iyedna ti makabaruannan
a pannakaipasngay ken panagrusing.

iti kalgaw,
ti nabara a lawag
ket parampayaen ken paluomen
ti baro a biag.

iti panagreregreg,
rambakan ti biag
ken ituyang dagiti partaan
babaen kadagiti nadumaduma a maris.

ket aginana iti panaglalam-ek,
tapno mangbangon iti baro nga aldaw
ken mangisagana
iti sumaruno manen a panawen.
-manipud kenni Jaren L. Davis





August 9, 2011

Verbo

alun-onen a sibubukel ti danum ti lansa a matnag iti barukongna. saan daytoy a kumtat wenno mangibati iti pagilasinan nga adda sadiay, ta tagisam-itenna ti kaadda ti natarumamis a banag.
ikutanna a kas gameng iti panaglabas ti panawen.

ti kayo a mapalukan iti lansa, saanna nga ikutan amin. mangibati daytoy iti tanda nga adda sadiay ti karkarna a landok. agpadara. ket agayus ti tubbog manipud iti bagina. seniales a nakarikna iti ukuok manipud iti tadem.

no maitakdang ti lansa manipud iti danum. awanton ti pagilasinan nga iti naminsan naitalimeng sadiay. aglinak ti danum kalpasan ti anasaas.

ti kayo a nawekwekan, kalpasan a naparutan, mangibati daytoy iti abut, iti linamma, iti piglat kalpasan ti panaglumen. ngem no dadduma adda kayo nga isu ti puon ti pannakaidasayna.


August 4, 2011