Sarsarita - 112713

Sumngaw latta ti lawag uray kadagiti napekpek ken namnamsek a pempen ket aganges tapno ibattanna ti pudot.

Prosa - 111013

Iti panagkunak, kada addangko imulak ti bagik, addaaan ramut dagiti dapanko a mangibati ti tugot iti daga ket iti kada aksaw diak bilangen, diak taliawen no mano ti nabati. Dagitinto makasurot iti dayta a dana ti mangbilang ket no kaspangarigan awanto man uray maysa bay-anto latta a maunas a kas ti anniniwan a timmipon iti kasipngetan.

Sarsarita - 110713

Kaslaka kayo ti mansanita nga addaan iti nalapad a sanga iti igid ti dan-aw, saka laeng marikna ti pigsam no agtinnag ti naluom a bungam. Mariknadaka ngem apagapaman laeng.

Sarsarita - 110613

Ti daniw ket kasla met init, agduduma ti lawagna iti tengnga't kabakiran. Makastrek kadagiti pinuon a mangawat iti rayana ngem nalidem kadagiti dadduma a depaar a di mangalawat iti kinangayedna. November 06, 2013