Panagbisita Iti Nabeddengan ti Manila Bay Ken West Philippine Sea


Ti baybay a sakupen ti Bataan
Nakadanonakon idiay Bataan ngem angingga laeng Balanga. Ket iti umuna a gundaway nakaaddakak met laeng iti Mariveles, ti nagrugian ti martia dagiti Filipino ken Amerikano a soldado idi Maikadua a Gubat ti Sangalubongan.

Diak ninamnama a ti papananmi gayam a lugar ket isu ti ungto ti kalsada no aggapuka iti sentro ti Mariveles. Maysa daytoy a lugar a madamada a tartarimaanen ken i-develop tapno agbalin a komunidad para kadagiti makunkuna nga "Addaan".

Ti kadaratan ti Camaya Coast iti Brgy Camaya, Mariveles, Bataan.
Iti gate pay laeng ti lugar ket naingeten ti panang-inspeksion dagiti guardia ta didaka pastreken no awan ti nakatimbre kadakuada a naganmo ken ti plate number ti nagluganam. Awan pay ti pampubliko a lugan tapno maluganan manipud iti main gate agingga't sentro ti Mariveles. Umabot pay iti 15 a kilometro ti taluntonem a kalsada.

Iti iseserrek iti nasao a pribado a lugar ket masungad dagiti agduduma Phase ti subdivision. Nalawa ti lugar a kas kunada agarup nasurok a tallo gasut nga ektaria daytoy. Kasla nagsubli ti regtak ken pigsak gapu iti nangayed a disso, ti nalabbaga a daga a kasla dildilpatan ti asul a baybay.

Ket nagtugaw sakbay a pinanawan ti nasao a lugar. Agsubliakto ulit.
Derraas dagiti turturod a pakabangonan dagiti balay. Adda iti igid ti babay dagiti amenitiesda a kas iti Pavilion, Bar ken Cluhouse.


Ti agarup nasurok a dua kilometro a kalsada a sumang-at manipud iti igid ti baybay. Ganganinan itinnag ti nadadagsen nga ulep iti sakaan ti Bantay Mariveles.





Post a Comment

Popular Posts