Pannakatay a Di Pumusay

Pannakatay ti kasapulan tapno agbalbaliw ti amin. Maysa a klase ti sakripisio a panangidaton iti bagi. Ti kinaalas ket agdalan iti nangatngato nga agpang tapno mabaliwan ti amin. 

Kasla maysa a bannuar, kinabannuar ti ipupusay. Ngem adda dagiti naparsua a saanna a kasapulan ti matay tapno agbaliw ti biagna, ti Kulibangbang!

Maturog, balkutenna ti bagina tapno iyadayona iti mata ti lubong. Iti managuyaw ken manangumsi a realidad. Ket iti maysa a bigat iyukradna ti makabaruannan a pigsa.
Post a Comment