TUGOT

Adda kadi nagan ti kuarta? No addanto, saanen a makuna a kuarta. Lumabasda iti dakulap a kas pamedped, wayawayaanna ti bagi, ti kararua, iti apagbiit, agbalin a paset ti inaldaw a panagbiag tapno bussogenna saan laeng a ti bagi, ti mata ngem ketdi ti agnanayon a pannakabisin

Nakadanonakon idiay Bataan ngem angingga laeng Balanga. Ket iti umuna a gundaway nakaaddakak met laeng iti Mariveles, ti nagrugian ti martia dagiti Filipino ken Amerikano a soldado idi Maikadua a Gubat ti Sangalubongan.

Diak ninamnama a ti papananmi gayam a lugar ket isu ti ungto ti kalsada no aggapuka iti sentro ti Mariveles. Maysa daytoy a lugar a madamada a tartarimaanen ken i-develop tapno agbalin a komunidad para kadagiti makunkuna nga "Addaan".

Iti gate pay laeng ti lugar ket naingeten ti panang-inspeksion dagiti guardia ta didaka pastreken no awan ti nakatimbre kadakuada a naganmo ken ti plate number ti nagluganam. Awan pay ti pampubliko a lugan tapno maluganan manipud iti main gate agingga't sentro ti Mariveles. Umabot pay iti 15 a kilometro ti taluntonem a kalsada.

Iti iseserrek iti nasao a pribado a lugar ket masungad dagiti agduduma Phase ti subdivision. Nalawa ti lugar a kas kunada agarup nasurok a tallo gasut nga ektaria daytoy. Kasla nagsubli ti regtak ken…

Kadagiti mayat nga adalenda ti Ortograpia ti Pagsasao Nga ‪#‎Ilokano‬, i-downloadyon, kakabsat.