Skip to main content

Posts

Showing posts from May, 2016

Dagiti Lamok Iti Moskitero

Nasinga ti pannaturog ni Tata Carias idi makarikna iti kinnit iti pingpingna. Sinipatna ti bukodna a kannigid a pingping ket iti apagapaman nairidepna manen. Ngem apagbiit laeng ta napakulagtit idi adda manen nagdisso iti luppona. Nagkusay ngem kaskasdi a di agtalna ti agkaradisso iti kudilna. Inin-innayadna ti bimmangon ta amangan no mariing ni Nana Merced a narnekan iti abayna. Amangan ta maysa met a namsaakanen ti peste a lamok. Kasano a nakastrek dagiti lamok iti moskitero?

Iti kabayagdan a dua nga agasawa ita laeng a nakaraman iti kinnit ti lamok iti uneg ti moskitero. Ta ania aya ti serbi ti makuna a sapar kadagitoy nga insekto no makastrekda met? Bukibokendaka iti tengga ti panaginana tapno isublim ti pigsam. Nasisiyaat laengen no dikan nagusar. Wen naabotan daytoy a moskitero a mangipakita iti kabayagdan nga agasawa ngem nadait met daytoy a dagus. Kasla itay bigat a dida nagin-innuni a dua ngem itay addadan iti uneg ti moskitero ket bassit laeng a panagdeppel dagiti kudil ti …

Diaspora

Ta saannak a kas iti kayo
nga itulokna lattan ti matay
no di a mabiag ti daga a nagramutanna.
Maysaak a kali a no tiempo ti niebe iti nakaiyanak,
agsapulak iti daga a mangtaraken-biit iti ang-angsak.
Diak paitulok a pasagennak ti lamiis.
Ta sadiay ballasiw adda agur-uray kaniak
a naberde ken napuskol a kabakiran.

(parte ti sarita maipapan iti Diaspora)

Kas Maysa A Potograpiko

Ti maysa a photographer, tapno maipakitana ti napintas nga angulo ti al-alaana a ladawan, ikonsiderana amin nga adda iti aglawlawna, no ania ti pakadaksan ken pagsiaatanna.

Iti pudpudno a biag, tapno maikuadradom ti kapipintasan a pagteng, kasapulan a dika a sarado iti ania man nga opinion, dika koma kitaen laeng ti banag iti maymaysa laeng a bangir no ketdi kitam ti paglaingan ket pakadaksan ti ania man a garawmo. Ket iti kasta, isuda a makaapresiar iti aramidmo iti mangibaga a nalaingka.

Ti Kaipapanak

Kuna ti maysa a sabong bayat iti pagur-urayna iti kulibangbang tapno iyegna ti ur-urayenna a panungpalan.

"Saan laeng a sika ti makaited kaniak
iti naan-anay a kaipapanan ti maysa a sabong,
mangrugi kaniak ti maysa a bin-i a mangpatanor pay
iti ad-adu a sabong,
ngem bukodakon ti kaipapanna uray no awanka."

Lami