Skip to main content

Posts

Showing posts from October, 2016

Komusta San Juanico!

Maysa a pribilehio ti makapaddek iti kaatiddogan a rangtay iti intero a Filipinas, ti San Juanico Bridge a masarakan iti nagbeddengan ti Tacloban, Leyte ken Sta. Rita, Samar. Bimmalasiw daytoy a pasdek iti San Juanico Strait. Nasurok daytoy a dua kilometro iti kaatiddogna a narugian a naipatakder idi 1969 ket nalukatan idi 1972. 
Idi ubingak, mapangpangangaak iti Magapit Suspension Bridge ti Lal-lo ngem lallalo a bimmukirad ti matak idi makitak daytoy San Juanico. Iti laeng libro a nabasbasak daytoy ngem ita addaakon iti tengngana. Uray la aggunggon no adda lumabas a lugan. Makapakudaap a ballasiwen daytoy iti agpapan ken agsubli.


Saan a nakaskasdaaw no apay nalapunos daytoy eropuerto ti Tacloban. Adda laeng iti igid ti baybay a gangani sumango iti Taaw Pasipiko.




 Dagitoy babassit nga isla iti tengnga ket awan ti naipatakder a babbalay. Mabalin a naguardiaan ken nairanta tapno saan a madadael ti langa ti lugar. Guardiado ti sirok ti rangtay ta adda opisina ti DPWH.